الرجليـت الفريدان ما نشـرها ...
سيطير الركبـان بها الى الآفاق
ويتهمون طلبة الجامعة بالإهمال والترقيـع
ما تشوفون السوالف بالمجالـس
ان دراسة الانتساب بس ادفع فلوس وخذ شـهادة..!!!
بينما الحقيقة غير ذلك..
ما تشوفون بعض الحاسدين ينبحون علينا عبر الوسائل الاعلامية
ويتفلسفون علينا .. بسبب هالعينات
طلبـة الانتساب يبذلون جهد دراسي مع التزاماتهم الوظيفية والعائلية
وهذا دليل تميزهم و عصاميتهم.
ليت الفريدان بدلا من النشـر
يطلب استدعاء الطالب .. ويخش بعـينه بمشاركاته
ثم يسلمه قرار فصلـه مع شهادة الثانوي ويقضبه الباب غير مأسوفا عليه.
قليلن حياء صدق
وين اسلامك وشيمتك ...الواحد يستحي على نفسه انه يسوي الحركات هذي..
رجال بـ طول وعرض وشنب .. وتصلي ..ويحشمونه الربع بالمجالس
آخرتها...تستهبل بالمشاركات ..ثم بكل جرأة تقول انا مظلوم..!!
ترى هذي جامعة .. مو باب حمام بمحطة ..تكتب عليها طلاسم والبي بي ورقم الجوال ..
والا صورة اللي كاتب خطـاب بليغ .. أذهلني من تراصفه الأدبي..
يشتكي من حرمان التخرج تعسفيـا...حتى ان دمعي انحدر من عيني ..
اعتقد ان وظيفته كاتب معاريض وانه لكبيرهم ..
وفي الأخير...مشاركاته شكرا شكرا شكرا شكرا...!!!!
هالعيـنات هي اللي خربت علينا مجهوداتنا
وأساءت الى سمعة خريجين الانتساب
وخلت بعض المسؤولين اللي مزور شهاداته
والا بعض اعضاء مجلس الشوربة .. يتلاعبون بمستقلنا الأكاديمي..
وبدال ما يناقشون سبل دعمنا وتميزنا...يناقشون بيض الحبارى وتفقيسها..!!!