|
عبد السلام ....! √
مساكم خير....
الوقت قاسي وانت يا عبد السلام
هندي وعمرك راح وسط المملكة
موظف ومسكين وتحب النظام
وما عندك الا الددسن اللي تملكة
واهم حاجه فيك ما تاكل حرام
اللي تحس ان فيه شبهه تتركة
يتيم وتصلي الفجر خلف الأمام
وابوك مات ببورما في معركة
وان قلت كيف الحال ؟ جاوبني تمام
مرتاح في ذا المسلك اللي يسلكة
اقصى طموحه يوم فالبيت الحرام
يقضي بها فرضه ويقضي منسكة
وحنا نحب النوم ونحب الكلام
النفط خلاّنا قليلين ابركة
ما عندنا غير السوالف فالدوام
فلان مابه خير وفلان اتنكة
ماندري ان عيون ربي ما تنام
سبحانه اللي كل شيّن يدركة
قلوبنا اكبر منك يا بيض النعام
واخبارنا وافكارنا مستهلكة
نهتم بالتجّار كل الأهتمام
اللي تفرنك بالدراهم فرنكة
مانحترم من يستحق الآحترام
كلّن يخاف من الفقر لا يفركة
لو الفقر يذبح ذبح عبد السلام
ما عنده الا الددسن اللي يملكة
التعديل الأخير تم بواسطة tMiM АŀqЋtАПi ; 2015- 6- 18 الساعة 09:29 PM
|