اخسر غرامك بس يبقى احترامك √
اخسر غرامك بس يبقى احترامك
هذا الي من صفوة زماني تعلمت
لو ما تهيا قلت يسلم مقامك
ما كل حلمن ياتي اليا تحلمت
وقفتني ما بين ود ونظامك
وانا الي بسكت قدومك تعشمت
الناس ما تاوي لا تطلق ملامك
حتى لو انك من وراء جابر الغمت
الي يبي نصرك ما يرضى انهزمك
والي يبي طيحتك ينهار لاقمت
محدن يحس بلوعتك من هيامك
غير الخفوق الي طواك وتألمت
يعني كلامك لا تكثر كلامك
محدن درا عن خاطرك لو تحطمت
لا تسلم افواه الخلايق مرامك
صون الوفاء يا مهجتي لو تكرمت
كلن يقول الشوق باين علامك
وانا عن الي داخلي ما تكلمت
بالعين باين يا حبيبي غرامك
العين جابت ما تخفا ورا الصمت
تعال عن وصلي لا تعلن صيامك
انت الوحيد الي بقلبي تزعمت
الليل موحش لا يزيده ظلامك
الطف بروحي دام فيني تحكمت
خذني خيالن محتويه انسجامك
وانثرني بمحجر عيونك ليا نمت
ومع صحوتك تبسم بشوق دامك
تشبع عيوني مبسمك كل ما همت
لو ان عيني ما تود ابتسامك
ما كان اموت بمبسمك لا تبسمت
ولو الضلوع تهاب طعنت سهامك
ما كان صوبك يا غناتي تقدمت
ولو السنين تروح من خلف عامك
تبقى الحبيب الي له الروح سلمت
ناظر بعيني شوف معنى غرامك
العين جابت ما تخفا ورا الصمت
التعديل الأخير تم بواسطة ميمي السنافيه ; 2015- 6- 19 الساعة 03:09 AM
|