انا مع كلامك ياصاحب الموضوع والدليل امس كنت جالسة مع وحدة من صديقاتي درست اربع مستويات والى الان الله يهديها ماتعرف تحط الباسوورد للخدمات الطلابية ولاتبي تتعب نفسها تجيب الجوال وتجدعه علي وتقول سوي لي واعملي لي ..
طيب في هذي الاشياء ممكن نساعد ،، بس بالمذاكرة هل بعد احنا اللي بنذاكر عنهم؟!
الزبدة انو كلامك في محله لانه بعض الطلاب قلنا بعض هذي حركاتهم ويزعلون ..مثل صديقتي الله يعطيها الصحة والعافية ..تتشكى فوق راسي وكيف تذاكرين و و و و .. والصدمة لما فتحت لها السجل الاكاديمي لقيتها حاملة حتى المواد العامة السهلة .. مايعقل يعني بالجامعه وتبون الجامعة تتعامل معاكم كانكم ابتدائي..
اول مررة اكثر هذرة بس طقت جبدي من كلمة المطبلين ..
كلن يرزقه ربي على قدر اجتهاده وتعبه ..وانا اعترف قصرت في حق المذاكرة في بعض الاحيان وتخرجت هذا الترم بفضل ربي الحمدلله ولا اذكر بيوم الجامعة ظلمتني لاني فعليا قصرت واتحمل نتيجة تقصيري ..
وتقبل الله من الجميع الصيام والقيام وصالح الاعمال ..
واخيرا اللهم ارحم والدي ووالدتي واسكنهما الفردوس الاعلى يارب ..