يابوي ع الليل وآخره
لما ان تصحى جروحي
حمل وما قادرش أتَاخرُه
عني وع تِوجّ روحي
زحام اوهام ماليني
بادعي اللهم ليني
يا همومي وهمَّليني
وبدال ما تاجي روحي
ليلاتي فى الميعاد ده
ينعاد عمري اللى عدى
والقا الماضي اللى عَاد ده
ع الحاضر يستعدَّى
والحزن ف قلبي ناخرُه
والريح ناح فوق سطوحي
بدعي لله تعالى
يطفي شوقي وحنيني
يا فجر يا جاي تعالى
زيح حِمل تقيل حانيني
لا يضيع كنزي اللى داخرُه
ونوحي يا روحي نوحي
كلمات الشاعر المصري سيد حجاب