قالـوا تعـلمـت قلـت عـنـاد وفـراســه
أصارع النفس والدنيـا وأصارعــهـا

ودرست في مدرسة من شيّبـت راسـه
دنيا العنـاآ اللـي قضيفـاتٍ مطـامعـهـا

تلميــذهـا دايــمٍ يكـتـب بقرطـاســـه
وتعطيـه جملـة دروسٍ مايضيّعــهـا

والله عطانـا نظـر وقلـوب حسّـاسـه
ناخذ علوم المعرفـة مـن مراجعــهـا

ونسايـر الوقـت ونقيـسـه بمقيـاسـه
ونوجـه النفـس بالواقـع ونقـنعـهـا

وترى حياة الفتـى مهمـا قـوا باسـه
محفوفـةٍ بالخطـر والمـوت تابعـهـا

من مبتدا العمـر حتـى يلفـظ انفاسـه
يمـرّ فـي مرحلـة تكـثــر زواآبعـهــا

أول حيـاة الفتـى مشـوار واعساسـه
مسـافةٍ فـي عـجـاج العمـر يقطعـهـا

وثاني حياة الفتـى تدريـب ودراســـه
تصعب ظروف الحياة وينشغل معـهـا

وثالث حياة الفتى يرجـع علـى ساسـه
النقـطـة اللـي بـــدا منهـا يراآجــعـهـا

يرجــع لـ سـنّ الهـرم ويضيّـع الطاسـه
ويزحف مع الأرض ويخطــط شوارعها

وليـا تلاقـت متـونـه وإرتخـى راسـه
ضاعت جميع العلــوم اللـي مجمّعهـا