2015- 7- 3
|
#465
|
|
ღ مراقبة عامة ღ<br>التعليم عن بُعد جامعة الدمام
|
رد: لو يحبكك الفَ قلب انإ آكثر دونَ (ليههَ ) ..
_
درست أولى ابتدائي وعمري 6 سنوات
أحب المدرسه وأجواء الدراسه واداوم يومياً بنشاط وحيويه وقروني واصلتن ركبي ومزينتها بالشرايط ولاعلي خلاف مره البس شراب مكشكش ومره ساده ومره شريطه فيها نقش ومره ساده 
لين تسلطت علي معلمة الرياضيات وانقلب حالي
كانت شديده مع اللي ماتحل واجبها فصرت احرص على الواجبات أخاف يجيني ماجاء زميلاتي
ويوم من الأيام قدر الله اني امرض واغيب يومين
على فراشي واهوجس بالرياضيات 
قعدت ابتسي مدري ابتسي من المرض والا من الرياضيات
قلت لأمي لازم أحل تمارين الكتاب اكيد أخذوا درسين وحليت التمارين
ومن بكره اداوم بثقه ولانيب خايفه قلت بما اني غايبه يومين خلني اكشخ
واربط شعري "ذيل حصان" ع قولة مدري من
وأول حصه رياضيات طلعت كتابي وتمر معلمه الرياضيات ع الطالبات تشيك من ماحل الواجب
وصلت عندي لقتني مختمه المنهج 
وامسكي أذني ودقي بها سلف وانا ادقها بتسيه 
ومازالت ماسكه أذني تنفضني وهي تقول ليه حليتي تمارين ماوصلنا لها
يوم كئيب في حياتي اشتكينا عليها وكرهت المدرسه بسببها
يوميا أعذب أهلي ع الروحه مابغت تنفك الازمه
عاد كبرنا وقدر الله بأني أكمل الثانوية مع بنتها بنفس سني
وكل يوم اشوف بنتها وأتذكر فعل أمها أوقات ودي اروح اقتص لكن أتعوذ من ابليس
ماخفيكم للحين "دقة السلف" مأثره فيني
/
بعض المعلمين والمعلمات فيهم جهل وقسوة ع الأطفال
الطفل أي موقف ممكن يأثر عليه نفسيا فيكره حاجه بسبب شخص ماعنده ذمه ولاضمير
بسببها انا اكره الرياضيات
ومشاكل الأطفال فالمدرسه من ضرب وغيره إلى الآن مستمره
عفا الله عنها بس
|
|
التعديل الأخير تم بواسطة ريمنقو ; 2015- 7- 3 الساعة 02:05 AM
|
|
|
|