*,
و عليكم السلام و رحمة الله و بركاته ...
تذكرت لما كنت في الابتدائي كنا يعني ع اساس نسولف و كل وحده تقول هي وش تفطر
قلت انا كورن فليكس بحليب
كلهم ناظروا باستغراب حليب ؟ قلت ايه
انا شكيت اني اكله غلط
قلت انتم كيف تاكلونه قالوا بلبن
صار دوري عشان اتعجب و اجزم في داخلي انهم مايعرفون اصول اكل الكورن فلكس
قلت لبن لبن الحامض بتأكد !! قالوا ايه
قلت تحطون شكر زينا
قالوا ايه قلت ( يع )
عاد ذاك الوقت مادري ليه قلت هالكلمة هو انا تخيلت الطعم او لاني خلاص متبرمجة ان الكورن فلكس بحليب و سكر زياده
اللي يضحك انه ايام الكليه وحده جابت طاري الكورن فلكس و تكلمت انها تاكله بلبن
طبعاًماهي من شلة الابتدائي
لكن في المره الثانيه ما تعجبت من سالفتها يمكن صدمة الطفولة تكفي
او يمكن استوعبت ان كل واحد له مزاجه في هالحياه ..
مو شرط اللي تعودت عليه انا بسبب البيئه اللي عشت فيها يكون غيري تعود عليها .. و المواقف كثيره بس هذا الموقف الوحيد اللي شهد تطور زمني
و هو الموقف الوحيد اللي ما استوعبت فيه طعم الكورن فلكس مع اللبن و السكرو لا تجرأت اجربه
اللي ياكلون الكورن فلكس بلبن تجاهلوا ردي بوركتم انتم طبيعين عيشوا حياتكم
يعطيك العافية مشرفنا ذكرتني بصدمة حياتي
و عذراً ع الاطاله