اعرف موظف هيئة يقول من يتمنون سقوط الدولة لن يستطيعوا مؤخراتهم
^ مدري وش هالجملة ههههه ؟ ما فهمتها مين اللي يتمنى واذا كان موظف هيئة (وش دخله في السالفة )
لن يستطيعوا < ما فهمت كيف ترتبطـ بالكلمة اللي تليها هههههه
بس شطاحتك معجبتني ههههههههههههههه وبكمل معك
المهم في سطورك كثير من الدقـة في تشخيص الوزير هذا ، من الناحية حبه للاعلام
لدرجة اني ضحكت عليه في اعلان بعثه مع وظيفة احسست انه يقول للعالم ها انا ، انظروا ما جلبت لكم من أفكار خياليه ، وكل شوي صوره مع ( واحد وخلفهم اعلان ويسون حركات مثيرة ههههه ) ويقولون وقعنا في (مجال التامين ) مع ( القطاع المالي ) ومع وزير التجاره الف وظيفة هندسيه للقطاع الصناعي ؟؟؟؟
أولا اللي وقع معهم ( يمثلون بعضهم شركات وبعضهم وزارات )
ثانيا( اذا كان يمثل شركات مستحيل يطلبون عدد كبير بالالوف في قطاع واحد ) ؟ الا لفتره طويلة مو لمرحلة من مراحل الابتعاث ؟
ثالثا ( اذا كان وزارة او شركة حكومية ، نهايتها يجي وزير او مدير ( كبير كبير ) ويكنسل القرار !! )
رابعا ( هو أصلا مو مطول بالكثير 3 سنوات ويطير ! ويجي واحد ويحط قرارات جديدة ويبعثر المشاريع زي زي أي وزير يستلم أي إدارة )
والاهم : اذا اذا اذا اذا تم الوفاء مع اللي وقع معهم بتوفير هالوظايف ، معناها ان خريجي الجامعات السعودية في هذي المجالات " يرددون يالليل ما اطولك ، بحيث انك مهما تخرجت انت ما تلقى وظيفة لانك ما ابتعثت
، والشعب متفاعل معها بشكل هستري ، " اضحكني جدا "
وبعدين بالنهاية فيما يخص الحكومة
انت مالك دخل في الوظائف ، وزارة الخدمة المدنية هي اللي توظف ؟!!
لو نقول كلها بتكون ( عقود في الوزارات يعني قطاع خاص عام ) < نقول أيضا مالك دخل فيه شيء اسمه وزارة العمل ، يعني اللي يعلن أساسا اذا ( هم هالوزارتين مو انت ) !! وهم اللي يطلبون من التعليم وين يبتعثون الطلاب
^ بس حبيت افضفض في الإعلانان الأخيرة اللي فرحان بها بشكل مبالغ فيه +
بس صدقوني لو انتم وزراء ، ما تقدرون تتحكمون في كل الإدارات اللي تخصكم كيف في الوزارات الثانية
جدا التغير صعبب، يعني ما ابيه يصير سوبر مان ، بس هو اهتم بأشياء غير مهمة
ونسى ان التعليم يحتاج لتغير مناهجه ولطريقته، هو اهتم في ( المدرسين ، نقاشات ضرب الطلاب ، نقل المعلمات ، ابتعاث ، وظايف ) < ما نقول انها مو أمور مهمة
بس الهدف الأساسي لوجود الوزارة هو ( اللي يتعبى بالراس ) وشو ؟ وكيف يتعبى ! وكيف يتلقى ؟ دائما مهمل ،
اما موضوع قرار التربوي ، اللي هو موضوعنا xd < توه يدخل
أصلا كل التعليم في العالم مو بس في السعودية ( صاير معوق ) فلذلك انا ما اهتم أساسا ..
لان الوظائف ما عاد توكل عيش ،
فهم جالسين يخبطون يسكرون فتح وتحديد جامعات وإيقاف تعليم .. وتغير كل شوي طريقة ، للابتدائي
طبعا انا جيت افضفض فقط ، وأقول وجهة نظري اللي شفتها ، مو اني أتكلم على الدخيل شخصيا ، بس في اللي ظهر من الإعلانات اللي يقدر يشوفها أي واحد على انها مضحكه وغير حقيقة كواقع وأيضا مستقبلا ، وتعدي حدود الوزارة وأصبحت تكون وزراة التعليم واالعمل والعمال ولخدمة المدنية !!!