ملاحظات عامة على السنة التحضيرية :


1- مثل ما عرفنا من قبل أن السنة التحضيرية 4 او 3 ارباع و كل ربع 10 أسابيع


بعد ما يخلص كل ربع راح يكون فيه إجازة و هذي الاجازة فقط لطلاب وطالبات السنة التحضيرية


و هي تخلتف عن الاجازات الرسمية الموضعة من قبل الدولة .


مثال :


الربع الأول عبارة عن انجليزي 1 فقط


فالطالب/ة يخلصون الاسبوع 10 و يكون اسبوع 11 اجازة و يوم الخميس من الاسبوع 11 هو


يوم اعلان النتائج للربع الاول .


الربع الثاني عبارة عن انجليزي 2 - صحة و لياقة - مهارات تعلم


فالطالب/ة يخلصون الاسبوع 10 و ما يكون عنده مواد يختبرونها في الاسبوع 11


لأن صحة و لياقة - مهارات تعلم مثل ما قلنا قبل ما فيهم اختبار نهائي فيكون


الاسبوع 11 اجازة و يوم الخميس من هذا الاسبوع هو يوم اعلان النتائج .


الربع الثالث عبارة عن انجليزي 3 - IT - Math 1


فالطالب/ة يخلصون يوم الاثنين من الاسبوع 11 لأن عندهم 3 مواد يختبرون فيها و يكملون


الاسبوع 11 اجازة و يوم الخميس هو اعلان النتائج .


الربع الرابع عبارة عن انجليزي 4 - Math 2 - علوم اساسية


فالطالب/ة يخلصون يوم الاثنين في الاسبوع 10 لأن هذا الربع مكون من 9 أسابيع فقط


وبعد الربع الرابع تأخذون إجازة الصيف احنا خلصنا الربع الرابع يوم 19 رمضان .


2- كل طالب/ة المفروض يأخذون كل ربع المعدل التراكمي المطلوب منهم و إلا طردوا


من السنة التحضيرية .


مثال :


طالب كلية حاسب المفروض يجيب معدل تراكمي كل ربع 3 من 5


لو هو جاب 2.99 يطرد من السنة التحضيرية .


3- لو لا سمح الله طالب/ة فشلوا في مادة يقدرون يعيدونها مرة ثانية في ربع ثاني لكن هذي الحركة


مرة واحدة فقط فانتبهوا .


4- بالنسبة للناس اللي مو حابة تدرس صيفي بإمكانها تؤجل الربع و تدرسه في السمستر الاول


السنة الجديدة لكن نصيحة لوجه الله تعالى لا أحد يسوي كذا خلاص خلصوا الربع و ارتاحوا و عشان


ما تتأخرون على الدخول لتخصصكم لأن اللي يسوي هذي الحركة يتأخر سمستر كامل على دخوله


للتخصص فيدخل السمستر الثاني السنة الجديدة .


5- لو ما كان عندك قدرة تحمل كبيرة وعزيمة وإصرار صدقني ما راح تكمل في السنة التحضيرية


أقسم لكم أنه فيه ناس انسحبوا من الربع الأول لأن قدرة تحمل زيرو فلا تصيرون مثلهم


عادي في البداية راح تواجهون صعوبات بس لازم تتخطونها مو توقفون عندها .


6- هذه الفقرة خاصة بالبنات


المباني المهمة في السنة التحضيرية هي :


1- مبنى عمادة السنة التحضيرية (62)


2- مبنى 52 راح تدرسون فيه صحة و لياقة - مهارات تعلم .


3- مبنى 58 وهو المبنى اللي بتدرسون فيه IT و المبنى اللي بتختبرون


فيه الاختبارات اللي تحتاج أجهزة الحاسب .


مبنى 50 للخدمات الطلابية .


7- ملاحظة نسيت أقولها لما تكلمت عن الانجليزي :


بالنسبة للكليات الصحية لو مطلوب منكم معدل 3.5


فدرجة النجاح في الانجليزي هي 75


و لو المطلوب 4


فدرجة النجاح في الانجليزي هي 80


طبعًا أشكر الأخت براءة طفلة ذكرتني بهذي النقطة


تم بحمد لله انهاء التقرير أتمنى من كل قلبي انكم استفتدوا منه


و الله يوفق الجميع