ملتقى طلاب وطالبات جامعة الملك فيصل,جامعة الدمام - عرض مشاركة واحدة

[ Hala ] · 2015- 7- 22

اقتباس:

المشاركة الأصلية كتبت بواسطة hano_nao

بس وش قصدك بالمستوى لاني انا ما اعرف شي والله وهاذي والسنه الجايه اول سنه لي بالجامعه ولا اعرف شي للاسف. وهل اقدر اخذ اقل من ذولي لان كثير صراحه ؟
وكيف تعامل الاساتذه بالجامعه ويساعدون ولا مشددين عليكم ؟
والاختبارات كم مره تختبرون بالترم او بالاسبوع وش عدد الصفحات اللي يعطوكم اياها يعني كثير ولا شوي ويخططون ولا كل شي معكم ؟

اسفه على كثر الاسىله بس ماعندي ادنى فكره عن ذي الاشياء

لا تشيلين همّ الجامعة حلوة بس تحتاج تشدين حيلك حبتين ، وبتمشين :p
،
الترم بالجامعة يسمّونه مستوى، مثلًا السنة الأولى تتكون من ترمين صح؟
الترم الأول يسمونه مستوى أول، والثاني مستوى ثاني،
وسنتك الثانية بالجامعة تصير مستوى ثالث ورابع
فهمتِ كيف؟
،
بالنسبة للمواد تقدرين تاخذين أقل أكيد، بس بتتورطين بعدين،
يعني فيه بنات أعرفهم أخذوا 5 ، فمضطرين يخلّصون التحضيري بسنتين مثلًا، وبالتالي بيتأخر تخرجهم..
لذلك نصيحتي حاولي تاخذينهم كاملين قدر الإمكان، غيرك قدر أنتِ مش أقل منهم
،
تعامل الأستاذات كلّ اللي مرّوا عليّ بالتحضيري لطيفين بشكل عام،
بس مختلفين يعني فيه اللي يساعدون ويعطون درجات إضافية وبونص وكذا ،
وفيه اللي يعطونك حقّك بالضبط بالضبط ،
بس للحين ما شفت أحد يخسف بالدرجات زي ما سمعت الحمدلله..
عمومًا أنصحك جرّبي، لا تسألين كثير عن الدكتورات ولا تسمعين البنات أحيانًا يسوون فلم عن الدكتورة وتطلع تجنن ، وأحيانًا يمدحون دكتورة وتطلع لا تعليق ،
،
الاختبارات عندنا ميدترم - زي امتحانات نص السّنة بالثانوي :p - وعندنا نهائي،
وفيه مواد امتحانها عملي أو شفهي تجنن
وبعض الدكتورات يعطون امتحانات قصيرة، زي الانجليزي ،
كانت تعطينا امتحان كل الأسبوع لين كرهناها وكرهنا نفسنا -.- ، بس بالنّهاية دعينـا لها بالنهائي
،
جدول الامتحانات النهائي ينزلونه حتى قبل لا تبدأ الدراسة،
لأن فيه بنات ما يمشون حسب الخطط الدراسية فيتأكدون إن ما عندهم امتحانين بنفس اليوم وكذا
< تجاهلي الكلام هذا مش مهم
عمومًا الامتحانات بالتحضيري كانت يوميًا على مدى أسبوعين، سواءً شهري أو نهائي
تختلف الامتحانات أحيانًا تكون موضوعية ( يعني اختياري وصحّ وخطأ ) وأحيانًا مقاليّة ( عرّفي مثلًا )..
وهذا الشيّ بتعرفينه من دكتورتكم لما تبدأ الدراسة بتعلمكم عن كل شيّ
،
عمومًا آخر شيّ..
احضري يوم التهيئة، بيكون بأول أسبوع للدراسة..
وبيشرحون لكم كلّ أنظمة الجامعة بالتفصيل ()
.
وأنا موجودة لأي سؤال :$
كنت مكانك السنة اللي فاتت وتعبت نفسيًا ما لقيت أحد يجاوبني :p

موفقة ()