|
رد: ساعدوني ولو بمعلومه منكم :(
وعليكم السلام ورحمة الله وبركاتوا مبروك أختي القبول بجامعة الدمام مقدما طبعا الجامعة اكيد مختلفة كل شي فيها عن المدرسة لأنك راح تدرسين مستويات اعلى اول يوم دوام راح يعلنون فيه عن التهيئة في تويتر كتبته الأخت blue الله يوفقها طبعا في كل حاجة ترتبط بالجامعة لها حسابات رسمية لجامعة الدمام ومثل ما قلت انه فيه عندج بالحساب مال تويتر يكتبون متى يوم التهيئة وهذا اليوم مهم جدا تحضرينه عاساس تعرفين كل الأساسيات بالجامعة وكيف تسجلين فيه طبعا ويعطونش خطة المقررات عشان تسجلين المواد بالأضافة لها جداول تختارين انتي المواد اللي درستيها طبعا الجامعة كبيرة ما شاء الله وكلها تتشابه بدايتن لأنش بتكونين ما تعرفين المباني بعدين راح تتعودين عليها يبقى لش اسبوع او اسبوعين اول ما تدخلين اسئلي الأمن ويدلونج الطريق لكلية الأداب وبيعطونج مثل ما قلت يوم التهيئة راح يكون قبل بأسبوع من وقت التسجيل للمقررات . الدرجات ما فيه نسبه معينه عندنا بالجامعة تقدير A+ B+C+ D+ 'طبعا ايه معناته امتياز وبي جيد جدا مرتفع مع البلس من دون جيد جدا لوحده سي تقدير جيد ودي انتي ناجحة بس مقبول جوال الكاميرا مسموح بالجامعة لكن اهم شيء انه بالقاعة ما تشتغلين بالجوال وقت شرح الدتورة واهم شيء عندهم الأنظباط والأحترام وانج تشتغلين الواجبات كلها بوقتها وما تأخرينها ولو ما عرفتي شيء اسئلي الدكتورة تعيد لأنه السنة التحضيريه هي عمود الأساس بترفع لش التقدير وراح تدخلين التخصص اللي تبقينه بالجامعة ولأنه ضروري تدرسين بعض المواد تكون هي متطلبات لبعض الأقسام والقسم لازم يقبل على التقدير اللي اخذتيه في السنة التحضيريه مع ارتفاع المعدل حقج . الأنجليزي موجود بالجامعة ولازم تدرسين ثلاثت مقررات انجليزي عام وهذا لنجحتي فيه تدرسين السمستر الثاني قراءة وكتابه وبعدها تتخصيين انجلش طبعا يتحدد يوم لتخصص وراح يعلنون عنه وينزل موقع الجامعة الدمام فيه تقويم تدخلين على بوابه الخدمات الألكترونيه وتلاقين اقسام الكليات تدخلين على الأداب وبعدها تقدرين تشوفين التخصصات المتاحة . يعني الأنجلش يحتاج لجهد ووقت وتركيز ووفهم واستيعاب طبعا بعض البنات يسحبونها لأنها صعبة يعني ما يدرسونها بس فيه مثل ما قلت تخصصات ما تقبلج الا وانتي ضروري دارسة الثلاث الكتب . الأختبارات نوعين اختبار اعمال السنة واختبار النهائي طبعا تحضيري جداول اختباراتكم تنزل من بداية الترم وتكون معلقة في مبنى 62 الدور الأول قسم الجغرافيا في زجاج بجانب مدخل الباب وراح تلاقين مكتوب اختبارات اعمال السنة والنهائي . الدراسة تحتاج تركيز السنة التحضيريه سهلة بس تحتاج انج تذاكرين اول بأول وتعرفين طبيعة كل مادة وتتعودين على اسلوب الدكتورة. والتخصص يجي بعد ما تنهين السنة التحضيرية كاملة وتدرسين المستر الأول تسع مواد والثاني تسع مواد عندج خيار تبقين تدرسن تسع او سبع او حتى ست بس راح تتأخرين في دراستج للتحضيري تضلين سنتين واذا تركتي مواد او صار انج رسبتي وفكرتي تدرسين تخصص ومواد من تحضيري يكون عندج تعارض ومعناته انه في الأختبار النهائي يكون عندج مادتين مادة التخصص اللي تخصصتيه ومادة التحضيري في حال انج تدرسين تخصص ومواد تحضيري . انتي تقدرين تدخلين على بوابة الخدمات لجامعة الدمام راح تحصلين دليل لاستخدام سجل الطلاب وكيف تسجلين مواد وكيف تطلعين الجدول حقج . في نظام اسمه البلاك بورد هذا النظام راح يفيدج في انه يحطون في اعلان اذا بيكون فيه اختبار او واجب او اختبار تختبرين على البلاك بورد في البيت او حتى الواجب تحلينه فيه واكيد عليه درجات حسب كل دكتورة وتقسيماتها وطريقة دخولج له بتكون المربع الأول الرقم الأكاديمي والمربع الثاني تكتبين Uod@ وضروري تكون سمال مو كيبتال لو كتبتيه كيبتال ما يفتح معج وجنب اليو دي ات تكتبين رقم السجل المدني . طبعا كل هذا اللي قلته تعريف بسيط الأساس اللي يشرحونه لكم بالتفصيل يوم التهية ويعطونج جدول انتي تختارين الوقت اللي يناسبج ويريج . الجامعة بيكون دوامها من 7_2 في حال انج اخذتي مادتين الأولى مثلا تحرير عربي من 8-9 وعندج من 10 لحد 11 استراحة وقت فاضي ومن 12 -2 عندج محاضرة احصاء . واوقات الخروج بالجامعة من 11:55 ثنتين ونصف في باصات حكوميه لكل حي توصلج وترجعج للبيت . أنتي لا تخافين الجامعة احلى من المدرسة وبتعجبج الجامعة ان شاء الله محتاجة تتعودين عليها .
|