ياقبر اعز انسان غالي رقد فيك
خفف عليه من التراب الثقيلي
ياقبر ماني طيب عقب راعيك
اللي رعاني صار عندك نزيلي
اغليك انا ياقبر من حب غاليك
مرحوم ياراعي الوفا والجميلي
ياللي سكنت القبر صوتي يناديك
موتك جرح قلبي وهديت حيلي
ماارتاح والله لين قبري يوازيك
واعلن من الدنيا العريضه رحيلي
واشق جيبي كل ما حل طاريك
كنت افتكر عمرك معانا طويلي
يبكي عليك البيت من عرض اهاليك
ليا دخلت البيت دمعي يسيلي
وسلامتكم