*الحفر وما ادرااااااك مالحفر*
الحفـر.. يافرنسـا يابـلاد العطـور كـان قبـل السنيـن الاوليـه نهـر
جف ماه وتصحر واهجرتـه الطيـور وانقطع فى مضاميه الغنـا والشجـر
دبدبه مهمهيـه فـى سماهـا تـدور الجـوارح وتلقـى رزقهـا بالنظـر
خيمتى..الصنادق من بعيد(ن) قبـور ماتوا الناس فيهـا بانتظـار المطـر
عمرها لو تقـر نفوسهـم بالقصـور العـرب مالهـم الا بيـوت الشـعـر
وش تكون المدارس دون علم(ن)ونور غير حوش(ن) لرعيان البقر والبقـر
الثقافه معـارف المعـارف جسـور التقـدم حضـاره الحضـاره بـشـر
الغنم لو تحس بنقـص أهلهـا تثـور تبتـدى بالعزيمـه تنتهـي بالظفـر
وبمسارح شياهى عن جميع الامـور أنا أقصى طموحـى تذكـره للسفـر
وانتى الحلم لمـا يعترينـى شعور فيه أشوفك سما زرقا وبنـت وزهـر
واحد بخيمتى أرجى طيوف(ن) تـزور من وطن من حبيبه ثم يغيـب القمـر
والنسايم نسايم صيف وقت السحـور والنجوم القديمـه ذكريـات وصـور
شاعر أبقا وحيد(ن) فى غيابى حضور لى على أكثر جفون السهـارى أثـر
منزلى منزل النجمـه بليـا غـرور معدنى معـدن الجوهـر بليـا فخـر
عاهدتنـى حياتـى بالشقـا بالدبـور طول مانى على حسـى أشـد الوتـر
يافرنسـا أغنـى يافرنسـا أثــور الاغانى أمانـى فـى دروب الغجـر
بعت أرضى واباشرى تذكره للعبـور غربتـك والضيـاع ولاحيـاة الحفـر
مهداه لاخواننا من حفر الباطن
يستاهلوا كل خير اهل الكرم والطيــــــــــــب