✒✒✒✒✒�✒✒✒
يادار ياليتني ماجيت لك زاير
ماجيت يم الهدة ودجت بالعاير
أقول بمرها وأمشي علي الطاير
طول وقوفي بها وابطيت اعيها
يادار وين البيوت الي لها رنه
واهل القيم والشيم والفرض والسنه
قالت توافوا وراحوا يا ملا الجنه
وش ينبغي بالمنازل عقب أهلها
قمت أتلفت ولة أدري وش صايبني
مدري وش الي علي الاطلال جايبني
هلت دموع الشقاء الله لا يعاقبني
العين تبكي ولا ادري وش مبكيها
تبكي علي ماضي الاجداد وارسومه
وبيوت باقي أثر وبيوت مهدومه
ياعين علي البكاء مانتيب ملزومه
في سكة كل خلق الله مشوا فيها
لدت عيوني وشفت الرجم بالعالي
يبكي ودمعه علي الاوجان همالي
يقول راحوا وخلوني هنا لحالي
في غربة شاب منها رأس راعيها
وأضحت بساتينهم منهم خلاويه
يلعي بها البوم لا هذي ولا ذيه
واليوم مابه كلاليف وحرفيه
الله يستر من الدنيا وتاليها
ماباقي إلا القميري يسجع لحونه
من سمع صوته تهيض خافي شجونه
صحيح الايام ماهي ابد ماهيب بأمونه
ام البلاوي كفانا الله بلاويها
واقفيت عنها والدمع العين منهلي
طاري طري لي ذبحني جعله يولي
أظن ماعاد أمر الدار واحسن لي
مايبكي العين كود أفراق غاليها
�������������� (عذرا ع الاطاله)