|
الفزعه ياشباب
السلام عليكم و رحمة الله ، مساكم الله بالخير  
أتمنى اللي يقدر يساعدني ما يبخل علي ، ما حصلت احد يساعدني من اخواني و عيال عمي لن مالهم خلفيه بالجامعات كلهم كليات عسكرية او شركات لأكن اخترت الموقع هذا لن فيه تفاعل و ان شاء الله احصل ألمساعده ،،،،
انا في الابتدائية كنت ضعيف بس أبوي و أمي حطُ في راسي الطب و تقمصت الدور و شديت حيلي لبعد حد و اعتزلت الناس و الشباب أيامي كلها صارت اختبارات لا وإذا حصلت فرصه ابحث في الانترنت عن الطب و مميزاته و رواتبهم ،،،،،
والحمد لله جبت نسبة 95 و القدرات و التحصيلي كل شي توب مع ان أساسياتي ضعيفه كل هذا على أساس ادخل طب وبعد التخرج ما قدمت على شي جلسة 6 شهور ادرس انجليزي ،،،،،
فتحة الجامعات أسنة ذي و قدمت على كل الجامعات حتى جامعة نوره  و كلها اختار رغبات طبيه ، جامعة حفرالباطن ما كان فيها الا رغبه واحده هي > سنة تحضيرية الفصل الدراسي الاول < ، و اول نتيجة كانت جامعة الحفر سألت الشباب فيها طب قالو آيه ثبت عليها و تركت قبول الجامعات الثانية ، وكنت فرحان ، فيها طب و السنة ذي فتحت و هي اقرب جامعه لي و بشر الوالد و الوالده ،
أمس انصدمت ان الطب اللي فيها للبنات بس 
والله أني متضايق لن مهما كان أتخصص سهل مراح افلح فيه بس الطب مهما كان صعب راح ابدع فيه لني أهواه اقرأ كتب عن الطب مع أني ما حب القراءه اكره الأحياء بس الباب اللي يتكلم عن الانسان ابدع فيه يعني اجد متعه وانا في شي عن الطب
في بعض الأحيان استمتع وانا في المستشفى  لني احس يوم راح أتوظف هنا ،،،
الحين غير الطب مراح اقدر ادرس ولن ادرس و مراح اجلس سنه ثانيه انتضر الجامعات من جديد لني واجهة مشاكل العام الماضي و التهمات مع أني أداوم في معهد ،،،،،
انا لو ماتعبت نفسي وما علقت نفسي في هشي كان اشرف لو اقل وظيفه 
الحين افزعولي بالشور ورأي كيف أكمل اقدر انقل من جامعتي لجامعه اخرى ومتى اقدر و بما ان جامعة الحفر تبع الدمام على معتقد هل اقدر احول من الحفر لدمام ومتى بضبط ،مع ان الدمام يقولون صعبه .....
لكل من يساعدني لا املك لك شي غير دعوة مسلم من قلب في ظهر غيب ، و جزاكم الله عني خير جزاء ، وآسف على الاطاله ،،،،،،
التعديل الأخير تم بواسطة HH_55 ; 2015- 7- 27 الساعة 07:06 PM
|