ملتقى طلاب وطالبات جامعة الملك فيصل,جامعة الدمام - عرض مشاركة واحدة

vip-1 · 2015- 7- 28

اقتباس:

المشاركة الأصلية كتبت بواسطة انا والدنيا

السلام عليكم ورحة الله وبركاته

حابه استفسر ان شاء الله قررت اختبر اختبار القدرات الجامعيين
دخلت موقع قياس ولقيت اختبار يبدا تسجيله تقريبا نهاية شهر ذو القعده والاختبار بداية شهر محرم
طبعا الاختبار ورقي

بس اني حابه اختبر اختبار الموحوسب متى وقته الي فهمته ان اختبر بأي وقت ما له وقت محدد
مدري اذا فهمي صح تو لا؟؟؟

وهذا الي مكتوب في الموقع
ستمر فترة التسجيل في الاختبار بعد انتهاء فترة التسجيل المبكر "حسب المقاعد المتاحة" ويغلق التسجيل المتأخر قبل موعد الاختبار بـ 24 ساعة أنقر هنا لمراكز الاختبارات :
يمكن إجراء الاختبارات على الحاسب الآلي في جميع أيام العمل على مدار السنة كاملة

افيدوني جزاكم الله خير
وايهما فضل الورقي ام الموحوسب؟؟

نعم الاختبار المحوسب في اي وقت وتختار المقر بعد الي تبيه والغالب يكون مقر الاختبار في الجامعات الحكومية.

انا اختبرت محوسب فقط واشوفه قمه في الروعه لاسباب منها:

١- لا تنتظر احد بمجرد وصولك لمقر الاختبار مباشرة تبدأ الاختبار حتى وان وصلت قبل الاختبار بساعه او نص ساعه بس اهم شي ما تتاخر عن الموعد المحدد.
٢- ميزه الهدوء في قاعه الاختبار.
٣- ما تعبي بيانات او اي شي مجرد ورقه قبل تدخل الاختبار فيها اسمك ورقم الهواية وتوقع على تعهد فقط بعد كذا تدخل الاختبار اما الورقي مثل اختبارنا ( الانتساب ) الي هو الدوائر وانتم تعرفون كيف ياخذ من الوقت.٤- الاختبار من متعدد بمجرد معرفه الجواب تضغط عليها بالماوس وثم تضغط التالي يعني اسرع حتى من ناحيه الاجابه.
٥- يعطونك ورقه مغلفه وقلم بحيث انك تحل المسائل عليها وتقدر تمسح وتكتب من جديد عليها.
٦- النتيجه تطلع بعد ٤ او ٥ ايام بالكثير.

رسوم الاختبار ٢٠٠ ريال
وبالتوفيق للجميع.