(اهيجن الضيق )



الخافق اللي كفخ ماشيّم ضلوعي
من حل طاريك قام يقطّع سبوقه

ناوي هدادٍ يقص العرق ويروعي
متفرعنن به شعورٍ تل معلوقه

حوّل بصدر من الهجران مفجوعي
يضرب بمخلاب شوقٍ مرهي فتوقه

جوعان وصلك وانا باموت لك جوعي
والشوق عزي لمن هو مسهرٍ موقه

افهق طواريك لككن ماهي بطوعي
مثل المطر ماش شيء يقدر يعوقه

اروح وانوي صدود مابه رجوعي
ويلوي ذراع العزوم (النبض وعروقه)

واعوّد احتال بين العند وخضوعي
واغضي بعينٍ تخاف الموت وتسوقه

واكتب قصيدٍ يشابه حزة طلوعي
لولا ( عيونك )( معايه شحت طروقه)

اهيجن الضيق لامن هلت دموعي
وادوزن آهات صدري لاطغى شوقه

اسهرك متمركيه نومي على كوعي
ورعاد طاريك عيت تفصل بروقه

ادعي طيوفك عساها توقد شموعي
في ليلة من جنون الشوق مخلوقه

انا دخيلك لو ان القلب موجوعي
ومتسلطن به وجودك تحته وفوقه

مادام قلبي كفخ ماشيم ضلوعي
شيّم غرام عجزت توفّي حقوقه!!


م/ن