|
حضارات الأغريق
صدر الحزين يطاوع الضيق .. و يضيق
من كل صـوب .. و تصبـح العيـن ديمـه
ينزل مطـر .. و يلـوح بـراق .. و تفيـق
كــل الـجـروح .. المبطـيـات .. القديـمـه
و أنــا .. عـلـى الدنـيـا قلـيـل التـوافـيـق
مــا غـيـر أسـاوقـهـا بـــراي و عـزيـمـه
يــا فــوح قلـبـي مـثـل فـــوح الابـاريــق
عـلـيـك يـالـلـي لـــك عـروقــي محـيـمـه
أقبلـت لــي و الـحـب .. حــظ و توافـيـق
و أقفـيـت عـنـي .. و النـتـايـج وخـيـمـه
علـقـت نـفـسـك فـــي زوايـــا المعـالـيـق
و حطيـت لــك بـيـن الحنـايـا .. وسيـمـه
و أصبحـت عنـدي فـوق كــل المخالـيـق
تخطـي و لا لــك غـيـر قــدر و حشيـمـه
و انــا و ربــي مــا نـقـضـت المـواثـيـق
لا زلــت أشـوفـك راس مــال و غنـيـمـه
دونـك سحـاب الدمـع و مشـارق الـريـق
و عقبك ضيـاع و جـرح قلـب و هزيمـه
أن بعتـنـي فالـسـوق بـيـع الصنـاديـق
عــــز الله انــــك بـعـتـنــي دون قـيــمــه
ليـتـك تـشـوف ابـــواب قـلـبـي مغـالـيـق
مــا هـيـب لا و الله .. و عـــادة حلـيـمـه
مــا همـنـي و الـنـاس جـمـع و تفـاريـق
مــا دمــت منـتـب فـيـه روحـــي يتـيـمـه
يــا صاحـبـي تبـكـي عـلـيـك الـطـواريـق
جـزل البـيـوت .. الـفـاردات .. العديـمـه
أرحل .. و طيبك فوق روس الشواهيـق
لا تلـتـفـت لـــي يــــا قــــوي الشـكـيـمـه
و أنــا عـلـى خـبـرك وريــث المطـالـيـق
راعــي مواجـيـب و شجـاعـه و شـيـمـه
مثل الجبل و أقرب مثل عنـدك .. طويـق
شامـخ .. لـو ان الريـح تنحـت صميـمـه
يالله عـســى فـالــك مــعــزه و تـوفـيــق
ياللـي جعـلـت أهــداف عـمـري عظيـمـه
عقـبـك لــي الله ثــم شـمـس المشـاريـق
و الـشـرقـي و هـبّــة هـــواه و نسـيـمـه
و الشـوق و همـوم الـجـروح المفاتـيـق
و الـبـرد و الـحـزن و شــوارع رحيـمـه
يالـغـالـي الـلــي كـنــك بقـلـبـي اتــويــق
جـرحـك كـريــم .. و ذكـريـاتـك كـريـمـه
أنـت و انـا .. نشبـه حضـارات الأغريـق
الـقـوم راحــوا .. و الـحـضـاره مقـيـمـه
التعديل الأخير تم بواسطة tMiM АŀqЋtАПi ; 2015- 7- 29 الساعة 02:13 AM
|