طبعا في البدايه رح اذكر لكم انه مشرفتنا الدكتورة فاطمة الزهراء محمد اصبحت مشرفة لجميع طالبات المستوى الماضي ورح يتم تزويدكم بايميل التواصل معها وايضا تخصيص محاضرات مباشرة مع الدكتورة لسؤالها عن اي استفسار عن المشروع ..وأبشركم الدكتورة جدا متعاونه ..الله يسعدها
شي اخر هي بترد على الجميع من يومين الى اسبوع تقريبا ..والاغلب بتكون الجمعه فاضيه فبتتفرغ للايميلات يعني تفقدوا الجمهة في الليل ( اغلبنا وصلت ردودنا بذا الوقت ) بشأن ارسال مواضيع البحوث والمسودة الاولى والنهائية
طبعا المطلووووب وخذوا بالكم انه خطة بحث وليس بحث كامل ..وكان مطلوب مننا حوالي من 2000 الى 2500 كلمة
اللي مطلوب منكم تعملوه بداية البحث وكم نقطة مطلوبه مثل ( title ,introduction.litrature review ....etc..)
والباقي وطبعا لما تحطوا اسئلة الاستبيان رح تزيد عدد الكلمات فقط وماعليها درجات لانها رح تكون تابعة للابنديكس
يعني لو توهقتوا زيدوا الاسئلة ومو كثير اكثر شي عشرة اسئلة
لازم تكونوا فاهمين كل نقطه ايش مغزاها بالضبط عشان تعرفوا تكتبوا ايش بالضبط
ولاتقتبسوا كلام من غير توثيقه لانه بمجرد مايكتشف البرنامج اللي عندهم انه في نسبة اقتباس ومو موثقة تعتبر سرقة ادبية ( بلايجريزم )
طيب بتقولوا كيف بنوثق ؟؟ هاذي شغله ثانيه مو صعبه ابدا بسوي لها موضوع خاص باذن الله ..لكن احسبوا حسابكم انه في حال اقتبستم لازم تكتبوا في ورقه خارجية او مستند اخر بالوورد اسم الكتاب او المقال واسم الكاتب وتاريح النشر ودار النشر لو كان كتاب واسم الجريدة او المجلة لو كان مقال ..عشان ماتحوسوا بعدين لما تطلعوا المراجع
شي اخير ..بحمد الله ومنته اخذت على بحثي هذا 96 والحمدلله وللعلم كان شغلي من و إلى
عمل فينا العمايل وتعبنا بس الحمدلله فرحة النجاح كانت غيييير ..الله ينولكم ياها عن قريب ...
المهم (سامحوني طولت عليكم ) بحثي في المرفقات ...,واللي عنده استفسار انا موجودة ..فالكم a+
