|
ياصقر واهنيك لك جناح تطير- اﻷمير خالد الفيصل
ياصقر واهنيك لك جناح تطير
لى طرى لك نزعت و طرت يم الهوا
بين قلبي و بينك فرق والله كبير
لى كفخت انطلقت و لى كفخت التوى
انت حايم و انا بالقاع دوبي أسير
في صحاري زماني ذيب ليلي عوى
فوق جوك سحاب و حدر جوي هجير
القدم فوق رمضا و الخفوق اكتوى
الحذر يا صقر لا يشبكونك أسير
ويل صقر يتله مربطه لى نوى
برقعته الليالي فوق وكر قصير
عقب صفقة جناحه بالهوا لى اهتوى
كل حر إلى ضاق انتهض للمطير
حومته بالسما ساعه لقلبه دوا
وا عذاب الجناح اللي يجره كسير
كلما فز مكسور النواهض هوى
التعديل الأخير تم بواسطة DiaMonD 85 ; 2015- 8- 4 الساعة 04:28 AM
|