المشاركة الأصلية كتبت بواسطة B-h-s كيف الحال حمااده ، مشاء الله عليك قد درست في جامعة الملك سعود وش كان تخصصك وعلمني وش استقريت عليه في موادك هل انت مع مجموعة المسرحيه الحديثه أنا ما اقول الا عسى الله يستر لا يتغيرون الدكاتره لهم ترمين ماغير يغيرون فيهم من كثر الشكااوي الا حليمه

كان رغبتي حاسب ولكن اللي مادخلني الحاسب هو الانجليزي كانت درجته 82
علما انها اضعف درجة عندي اصلا كنت انجح في المتوسطه الى ثاني ثانوي في الانجليزي بعلامة (*) .. المهم هم يبون درجةة 87 فيه علشان تخش الحاسب
فوقف الانجليزي ضد رغبتي
طبعا هنا في مسيره تعليمية مفقودة هنا
المهم درست رياضيات وجبت معدل(لكارزما على سالفه قرون الاستشعار ومصطفى)
واقدر احول للحاسب ولكن ما حولت وبعد سنه من الدراسة ، جت ماده اسمها فجول بيسك (في الرياضيات ) فاطربتني فرجعت لي رغببتي اللي من الثانوي محددها يوم جيت احول قالوا جب قدرات جديد + ترى بتدرس السنه التحضيريه وكانت طبعا انجليزي وكانت بعبع في ذاك الوقت مو زي الحين ) فقلت ما ابي اعيد تجربـة في المسيره المفقوده

المهم كملت رياضيات (ترم ثالث ، والرابع انسحبت وكان مالي نفس اكمل) ، بعدين قررت للرغبة الحاسب التي كانت تطربني ان اخرج لكي اتعلم اللغة وارجع وادرس بجامعة ثانية حاسب ،ورحت لكندا ،وضموني للبعثه وانا ما ابيها ويوم تكيفت معها ، بحول بعثتي الى امريكا .. وافقوا على التحويل الوزارة بس رفضوا السفارة الامريكية يطلعون لي الفيزا ، فسحبت على البعثـه


لذلك انا هنا معكم واضحك على نفسي سبب مشكلتي كان اللغة والحين تخصصي انجلش ههههه ، طبعا سبب دخولي اني ابي شهادة فقط فاخترت ا لاسهل بنظري




كنت اضحك على الناس اللي ما يحددون رغبتهم ، من بعد الثانوي
والان اشوف نفسي دخلت على رغبه ما كنت اواطن شيء اسمه انجلش


سبحان الله ^ هذي العضه من القصة ،


وللعلم اجد ان كل الاحداث اللي حالت بيني وبين رغبتي علوم الحاسب بعد هالسنوات ،
جميلة وحمدت ربي اني لم ادرس علوم حاسب لاسباب عديدة .. اتضحت لي
بعد كل هذي السنوات


ومع ذلك ما زال هناك مواضيع في الحاسب تطربني


والمضحك اني متوظف في ادارة تقنية المعلومات




طبعا الرياضيات خلصت سنـه ونصف وبمعدل ممتاز