ايه احبك والغلا ثابت مكانه
كنه التمثال اثرن بالمحاني
عاشقك ما غيره قسوة زمانه
يشهد الله ماكذب فيك اللساني
يا حياتي انتي في قلبي امانه
امنتك العين ياحلو الاماني
غالية مثل اللذي يبحر لدانه
وامتلكها ثم صاربها اناني
يحسدون الناس دايم في غلانه
والغلا مبنى وعليت المباني
شاعرك شالك وغنا في لحانه
وابدع القيفان مع جزل المعاني
طيري ي حبي وحلقي في سمانه
وغردي بالجو يا محلا مكاني
واعرفي ان المحبة انتمانه
وفي محبتنا تغني بالاغاني
واتركي حقد البشر اللي معانه
دامك ب قلبي ي عمري لا تعاني
ايه احبك لا تحاتي بالمكانه
وحدك ب قلبي ولا شارك ثاني
كلمات عبدالله الشبرين