|
ربطني هوآ خلّي ربآط ورآه ربـآط !
أنا أحسب حساب الكل ما حب الاستبساط
ولا أداني أهل الكبر .. والبخل .. والتقنيط
لكن حظي ما لوجهي معه مقلاط
وأنا ظالمه فالامتحانات بالتسقيط
فرش له ذهب .. ثم ورد .. ثم زل .. ثم بساط
ولا شاف مني غير الإهمال .. والتفريط
أضيع عمل حظي بالإهمال .. والإحباط
تأبطت منه وقال : ما ينفع التأبيط
خسرت النتيجة .. واللقاء من ثلاث أشواط
ولا عاد ينفع دورتي مستوى التنشيط
وخسرت الدبل .. والفرق كله ثلاث ابناط
ولا عاد لي خطة .. ولا عاد لي تخطيط
ربطني هوى خلي رباطٍ وراه رباط
وأنا حالف ما جفاه لو راح جسمي خيط
ولا أنساه لين طريف ينزل بجنب الغاط
وبغداد يصبح في ضواحي خميس مشيط
وإذا ما حصلي قربوا طلقت المخباط
أموت وتروح الروح جعله مراح مقيط
وإلا عطوني جركل القاز .. والمشخاط
وخلي عليه الصبر .. والقبر .. والتحنيط
حبيبي فريقٍ يصدر أمره على الضباط
عطاه الله السلطه وسلط علي تسليط
لقيته صلاة العصر داخل على الخياط
على الحجتين مشط قذلته تمشيط
تعال أكتب أسمك داخل القلب يا خطاط
تبصّر ودقق .. وأنقشه .. وأضبطه تضبيط
لـ الشآعر / عبدالله بن ششآيق
الله يرحمه
|