|
الله يصيب الظروف ...ويقطع الحاجه
الله يصيب الظروف ويقطع الحاجه
اللّي تخلي الاكارم تقصر اخطاها
كم نار شيخن على المشراف وهاجه
تناوبته المصايب لين طفّاها
كم من كريمن يده بالجود ثجاجه
في نايبات الدهر تفرق عطاياها
لكن تغشّاه بحر الفقر بامواجه
وخابت ظنونه بعز الناس وادناها
وكم من شجاعن حياته صبر ومواجه
ينطح كبار المصايب ويتحداها
من جور ما كابد ومن كثر ما واجه
انهار حيله ونفسه لحقت اقصاها
وكم شايبن عبرته بالصدر دلّاجه
على عيالن تحسف يوم رباها
نسيته يوم اصبحت ماهي بتحتاجه
من عقب ما كان مزبنها وماواها
وكم من مريضن خذله الطب وعلاجه
في علتن كايده ما حصّل ادواها
من عقب ما كانت الاقدام سجاجه
تطوي الآراضي من اقصاها الى ادناها
اضحى طريح المرض والهم وافواجه
يرقب حتوف المنيه ويتحرّاها
من زان مدخاله ولا زان مخراجه
بيقول ما قلت فيها عند مبداها
الله يصيب الظروف ويقطع الحاجه
اللّي تخلي الاكارم تقصر اخطاها
https://www.youtube.com/watch?v=HBETaAKniDo
التعديل الأخير تم بواسطة tMiM АŀqЋtАПi ; 2015- 8- 12 الساعة 08:36 PM
|