وأخــذ كــل إلتـزامـات الـوفــا ســـاري بمفـعـولـه


يجاهـدنـي زمـانـي رغــم تكـديـس العـنـا والـبــور
عـلـى ســاق التّـرجـي والـقـدم بالـشّـوك معـلـولـه


يطيـر الطّيـر مـن وكـر الظّـلام اليـا لمـح لـه نـور
يــدوّر قــوت يـومـه فــي مـهـبّ الـرِّيـح بسهـولـه


وأنـا إبـن آدم سبـب تفاحتـي خلّـيـت بـنـت الـحـور
على الرّمضى مشت رجلي على خطوات مجهوله


قنوع أسكن ببيت من الشّعـر ولا عرفـت اقصـور
غـنـي مــن داخـلـي والــرّوح عالكفـيـن مشيـولـه


طعامـي خُبـز مـن كـفّ الكريـمـة صـاغـه التّـنـور
رضـاهـا عــن ولـدهـا قـالـهـا الـرّحـمـن مقـيـولـه


منـامـي كــل ليـلـة فــي فــراش الـوالـد المـقـبـور
وتفـكـيـري صـــلاة الـفـجـر والـطّاعـات مـبـذولـه


مـا دوّرت الغِـنـى بالمـال ومانـي شاعـرٍ مشـهـور
يكفـيّـنـي إذا قـلــت الـشّـعـر يـرتــاح مـنهــو لــــه


كــذا عشـنـا عزيـزيـن النّـفـوس وحالـنـا مسـتـور
أيـاديـنــا كـريـمــة بـالـعـطـاء والــجــود مـبـلـولـه


صحيـح إنـي كبـرت وحاجتـي تكبـر وأنــا مجـبـور
جبرني الوقت أجامل فـي البشــر أصنـاف مهبولـه


إذا أخـطينـا نقـول إن الزّمـن هــو سـبّـة المعـثـور
وإذا زانــت لـنـا صــار الـزّمـن تـذكــار بفـصـوله


عـسى القـرآن فـ قلـوب البشـر دايـم هـو الدّسـتـور
وعـسـى كــل الحـيـاة المقبـلـة بالخـيـر موصـولـه