بسم الله الرحمن الرحيم


راح ادخل بالمواضيع مباشرة ووو حابة كل الي عندة فكره عن هالمواضيع
يشاركنا


اول موضوع الي هو البيبل سوفت:_
مو راضي يفتح وقريت ان كل الي بالتحضيري كذا
وو صديقتي بعد برضوا جربت مافتح عندها ف ايش السالفة الي يعرف يفيدنا




ثاني موضوع الي هو البطاقة الجامعيه:_
عشان نطلعها وش نحتاج بالضبط؟؟ ووين نروح
اذا بنطلعها؟متى نستلمها ؟؟


ثالث موضوع والاهم تسجيل المواد والجدول والشعبة وهالاشياء:_
بالنسبة لي بمسار علمي
الحين هم قالوا ان الجدول بيعطونا اياه جاهز بيوم التهيئة بيخيرونا بين 40 جدول
هذا الي سمعته طيب ووش سالفة تسجيلالمقررات ؟؟ مافهمت هالموضوع وعربة التسوق
انا عارفة كيف احط المقررات بالعربة وااكدها لاكن الي مو عارفته يعني بيعطوني الجدول
وبسجل مقرراتي ؟؟ مافهمت هالشي ابد احس بضياع :( حتى اني مو قادرة
اوصل لكم الفكره الي ابي افهمها ...
طيب خلوني اقولكم الي فهمته هل هو صح او لا
اول شي بيعطونا جداول نختار منها جدول بعدين نرجع البييت ندخل البيبل سوفت
نسجل المقررات الي بالجدول عندنا صح فهمي ؟ ولا غلط
مدري احس كل شي ملخبط ياليت احد فاهم بالموضوع ذا يشرح لنا كل شي وبالتفصيل الممل المممل


اسئلة تدور بعقلي :_

وش الاوراق المهمة الي اخذها معاي باول يوم ؟؟ والشهادة راح يطلبوها مني اول يوم ؟
وش المواد بالضبط الي راح ادرسها بالتحضيري مسار علمي ؟؟
كم ماده اخذ بكل مستوى ؟؟ يعني
بالسنة الاولى يعني المستوى الاول والثاني كم راح اخذ مادة بكل مستوى فيهم؟؟
الي يعرف عن المسار العلمي يقولي اي شي اي معلومة لازم اعرفها اي نصايح ايي شي
بيفيدني وبيفيد الي بالمسار العلمي
الاحظ قليل الي يتكلمون عن المسار العلمي مادري ليش :( هل انا لحالي المتحمسة
مادري صراحة :(


عذرا طولت عليكم وجزاكم الله خير مقدما