اهلين ياحبيبتي ،
انا عن نفسي ماتخرجت بس خلصت تقريبا كل مواد اخر سنه،
الترم الاول فيه سبع مواد وهي كالتالي :
1-علم اللغه النفسي psycholinguistics
هذي الماده مره حلوه وسهله وتجنن وكنت ماخذتها مع دكتور اظن اسمه محمد السيد
هالماده عباره عن كيف النفس لها دخل باللغه وفيها مصطلحات نفسيه يعني مثال كيف ممكن تنفقد اللغه وايش يتسمى هالشي وكذا
بالمختصر تدرس اللغه كيف تتكون عند الانسان الى ان تصل للفقدان الكلي وكذا يعني ،
2- علم اللغه الاجتماعي sociolinguistics
هذي الماده كل ماسجلتها بنص الترم احذفها مدري ليش
مااقدر افيدك بافضل دكتور/ه بس عموما اللي فهمته انها تتكلم عن علاقة اللغه بالمجتمع.
3- الترجمه الابداعيه creative translation
هذي الماده وكل كورسات الترجمه خلصتها مع الدكتوره سلوى احبها واحب المعلومات اللي اخذها منها واحس اني اطلع من الكورس بمحصول كبير والماده عباره عن ترجمه لكن ترجمة اشياء موزونه مثل القران والسنه والشعر وهكذا ، وكيف ممكن توصلين للابداع بترجمتك للنصوص هذي وتحاولين توزنينها وطبعا مو مشكله لو ماابدعي لكن الماده تعلمك كيف تبدعين بالترجمه ،
4- النقد الادبي literary criticism
افضل كورس بالرغم من تخويف البنات لي قبل اخذه ، كان كورس خفيف وجميل والسبب يرجع لله ثم الدكتوره صباح ،
دكتوره راقيه بمعنى الكلمه حبيتها وحبيت اسلوبها وتعاملها واحترامها للطالبات ، بس الماده شوي دسمه وتحتاج حفظ كثير ، وكنا ناخذ اكثر من مرحله للادب ونعرف اهم خصائصها وابرز الاشخاص اللي كانوا فيها ،
5- الدراما الحديثه modern drama
اذا كنتي احذه كورسات الدراما الاولى فما راح يتغير عليك شي ، نفس الطريقه راح يكون فيه مسرحيه من العصر الحديث وتحليلها وتحليل شخصياتها وكذا وطبعا الكورس كان خفيفوالفضل يعود لله ثم الدكتوره ليلى باطوق كانت مسهلته ومتعاونه جدا جدا ،
6- مناهج البحث research methodology
هالماده من اسمها تبين لك مناهج البحث وكيف تبحثين وتستعدين لبحث التخرج اخذتها مع الدكتوره سلوى بعد وبشكل عام الماده خفيفه وحلوه
واخيرا مادة النظام السياسي والسياسه والاشياء هذي وكنت ماخذتها مع الدكتور جمال
وباقي مواد من الترم الثاني بعد مخلصتهم بس تعبت افكر واكتب ان شاء الله اذا لقيت وقت برجع اكتبهم لك وموفقه ووان شاء الله اكون افدتك 🌸💗