تدري وش اللي يتعب البنت ياسعود...؟!؟؟
رجـلٍ يخـون اشواقـهـا و الـمـودة ..
البنت ريحانة غـلا ... ناعمـة عـود
تبـي لهـا رجـلٍ ورث طيـب جــده ...
رجـلٍ إلا جـتـه الليـالـي بمنـقـود
يبقى لهـا.... مـا بيـح الوقـت سـده
مهوب خبلٍ مـا رعـى للهوى عهـود
وادنـاة مـا عـارض طريقـه يــرده
ولاهوب لاعلـة ... ولاهـوب ملهـود
ولا شكـوك ... كـلٍ طـارئٍ يحـده
تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل ... وانفاس صدره لهـا عـود
وظلالـه الضـافـي بيـدهـا تـمـده