_
الموضوع متشعب وله ابعاد كثيرة ,
اولاً : نمسك البنات المتبرجات , هذا واقع طبقة معينة من المجتمع بالخارج من سنوات كثيرة ! واللي يسافر للخارج يشوف اضعاف اللي شفناه بالمباراة , والنوعية هذي اهلها معطينها كامل الصلاحيات تطلع كيف ماتحب .
ثانياً : نمسك مخرج المباراة والقناة الناقلة , لان بالمقابل تغطت مباريات لنوادينا في قطر والامارات وفيه حضور نسائي ولا تسلط عليه الضوء واخذ شوشرة مثل مباراة السوبر .
الان انا ضد ان ينحط موضوع التبرج والسفور براس الاتحاد السعودي وان المقصد من نقل المباراه التحرر اللي شفناه بالمدرجات , لان بالنهاية ما وزعو منشورات ان يابنات لاتتغطون ولا تلبسون عبايات !
هذي الفئة موجوده من زمان وكلنا نعرف بس لاننا ندري انهم بالخفاء موجودين متقبلين موضوعهم , لكن لما طلعو على العلن صارت الشوشرة هذي , وانا ضد اللي طلعو بالاعلام ومارسو دور ارشادي وديني المفروض مايتم تكبير هالموضوع بزياده , وفيه رجال دين وولاة امر يحكمون فيه , فيه ناس بالاعلام اخذت راحتها بالكلام وكأنها وصية على بنات الناس وكلن قام يلمع لنفسه ع ظهورهم .
انا ضد السفور وضد اثارة الموضوع لاننا بزمن كله فتن صرنا بس نمشي بهالدنيا وندعي ربي لا يكون حالنا مثل حال فلان او فلانه من الناس .
باختصار الموضوع اكبر من رياضة ! ويتحول لامر ديني وانحلال اخلاقي .
عافاك يالمندوب