"...السلام عليكم ورحمة الله وبركاته ...."
موادي بالسمستر الأول :
كيمياء عامة :
النظري: (حصة العويسي)... محاضرة جديدة وكانت توها اول مره تدرس جات لنا .. طبعاً شرحها قراءة حتى بالمسائل تطلع الناتج من الملزمه وملزمتها خاصه فيها ماتعتمد على ملازم احد واسلوبها حلو مع اللي يمشي معاها سيده ومايكون هذره وراعي سوالف اسئلتها شوي يبغى لها يعني بالنسبه لشرحها المفروض تجيب اسئله سهله .. وبس 😁
العملي: (أمل الذرمان)... تهبببل تجنن عسسسل وشرحها جميييل جدا جدا وتعطيك درجاتك بالحق ... صحيح صارمه شوي وتقيم كل محاضره بس انا يعجبني هالاسلوب يخليني اهتم اكثر ☺️😄 واسئلتها بعد حلوه وسهله ودايم اجيب عندها كامل 😉
رياضيات عامة :
(امينة النغموش)...شرحها واسلوبها حلوو حيل وطيووبه جدا واسألتها سهله وواضحه .👍
مقدمة في علم الأقتصاد:
النظري:(عابدة عبدالله)... صوتها ضعيييييييييييف جدا جدا وماتعرف تشرح للاسف بس اسألتها حلووه وطيووبه ولا ناقشتيها ولا سألتيها تجاوبك ولا استأذنتي تسمح لك بالخروج .😏☺️
العملي:(اسماء الحجيلي)...لو امدحها من اليوم لبكره ماوفيت تهببببببل تجنن اسلوب وشرح وتعامل واسألتها جميييله جدا جدا ومحاضرتها تخلص ومانحس بالوقت من كثر ماهي خفيفه ومن جد ما ابالغ 😍😍😍😍
مقدمة في علم الأحصاء :
(رحاب أحمد)...شرحها حلوو هذره شوي بس حليوه هذرتها وتفهم واسألتها من الملزمه والامثله نفسها بس يبغى لها تركيز شوي واسلوبها محترم حييل تفرض احترامها .
الكتابه والتعبير :
(سليمان عبد الحق)...المادة حلوه وسهله ومايبي لها بالمذاكره بس الأسئله دقيقه جدا جدا ... واهو خفيف دم الدكتور وشرحه ممتع .
.................................................. .................................................. ...............
موادي بالسمستر الثاني:
مقدمة في الحاسب الآلي:(نجلاء المشد)... هذره شوي بس اسلوبها حلو وشرحها واضح وتحذف اشياء 😌 واسألتها سهله جدا بالنهائي والنصفي .
اساسيات علوم غذاء وتغذيه:
النظري:(منيرة المسلم).. كرهت السمستر كله بسبب هالماده تعقدت لا الدكتورة ولا البنات كلللش❌❌❌الدكتورة اسلوبها مو حلو اذا بتشاركين او تناقشين ماتعطيك مجال وكوزاتها صعبه تحسين ان حليتي وبعدين تنصدمين بالدرجة وكذلك النهائي والنصفي الحلو بالموضوع ان تعطينا استمارات وواجبات ترفع من الدرجات وحرصت قد ما اقدر اني ما اغيب عشان ارفع درجاتي شوي .. اما البنات تحسينهم دوافير اوفر على ولا شي حيل تعقدت من هالدفعه وكرهت الماده كلهاالحمدلله عديتها 😪🙏🏻
العملي:(بهية الخرس)... حليوه تمزح وتسولف وشرحها مفهوم ومحاضرتها خفيفه .. بس اسألتها قالت لنا موضوعيه واصدمتنا 🌚طلعوا مقاليه وموضوعيه .
فيزياء عامة:
النظري:(زينب العشوان)...طيوبه حييل وشرحها حلوو وطبعا الدكتور اللي يحط الأسئله سههههله جدا ماتوقعتها من بعد الكلام اللي سمعته ان الفيزياء صعب ومن هالكلام.... بس مشكلتها انها نهاية السنه كلا تغيب وتوهقنا 😅
العملي:(عهود السهيل).... محاضرتها حلوه وخفيفه حيل وشرحها مبسط وتعطيك الزبده واسألتها حلوه ومو محوره يعني تجيبين درجة كاملة بسهولة.
احياء عامة: اكررره هالماده من ايام المدرسة وكرهتها اكثر من هالسمستر 😔😓😭
النظري نبات:(منال الفويرس) شرحها سريع وتخلص المحاضره بنص الوقت بس اسألتها صعبه جدا من صلب الملزمة😐😕
النظري حيوان: (فريال المسدي) نصيييييحة ياجماعة لاتاخذون عندهاهذرة على قل فايدة صراحة وفوق كذا اسلوبها خايس جداً واسألتها صعبه لكن اهون من النبات بشوي 😢
العملي:(نوف الربيعة) نفس منال محاضرتها خفيفه وحلوه لكن الصدمه بالاسئله صعبه يبي لها واغلبها فراغات .
عقيدة اسلامية ومذاهب معاصرة:
(مهيب الحصان) محاضرة نوووووووم الوقت فيها مايمشي ابدا ابدا ابدا ويهذر ربع ساعة وبعدين ننصدم انه ماتعدى الصفحه الاولى ... اسألته سهههههله جدا جدا جدا وتحفظين جزء 30 ... جاب لنا سورتين وآيه تكملينها طبعا السورتين العاديات والضحى اما الآيه اختياريه تكملينها ولا لا ..وفي النجاح والرسوب البنات اشتكوا منه انه ماعطاهم الدرجة اللي يستحقونها حتى انا توقعت درجتي اعلى بس الحمدلله .😄
ووووبس ان شاءالله هالسنه بمستوى ثالث ...دعواااتكم 😊😘
وان شاءالله ما اكون ثقلت عليكم🙏🏻
مع السلامة وبالتوفيق للجميع❤️💜