|
متميز بملتقى الرياضة
|
رد: نقاش لابد ان يزال عنه اللثام
السلام عليكم ,,!! بدايه !! موضوع نقاشي من العيار الاول يثير اي احد الغاير بالعادات والغائر بالدين والمتحرر ويثير البنات انفسهن بين مؤيد ومعارض ,,!! ,, ويثير حتى مختلفي الفكر فيه ناس عندهم تصور ايجابي معين عن المجتمع السعودي وهناك ناس عندهم النقيض نظرا لما يراه وكلا بهم يبني حول هذه النقطه " حضور النساء " من هذا التصور ,, انا رأيي لا يختلف ممكن يكون بين المؤيد والمعارض لكن بختلاف المسببات,,!! عموما
قضيه النساء والملاعب وبعيد عن الحلال والحرام لاننا بندخل في دوامه الاختلافات بين من يعتقد اننا مجتمع منزه ونازل من السماء وبين العكس وبندخل في الحجاب من عدمه ومسأله حلاله وحرامه والاختلاف الزمني فيه بندخل في الاختلافات والاختلاط وبندخل في ابواب درء المفاسد الخ ,, بين من يضع حلول وبين من يقمع بين من يذكر ايه كريمه ويتخذها مجرى حديثه كما هي وبين من يفندها ويفنطها ويحللها !! وبعيدا عن كل هذه الامور !!!! انا بأخذها من زاويتي الخاصه !!
انا مع حضور النساء للملاعب ك فكر,, لكن ك رغبه ماني مع ,, ماهو تناقض !! كثر ما صار عندي لخبطه بين فكري وبين اللي اشوفه بالواقع ,, ولما اطرح رأيي عن النساء والملاعب بالمثل اقصد قياده المرأه للسياره والنقاب ,, السينما الخ وأقول دائما كفانا تناقضا ومن هالمنطلق تولد هذا الفكر ,, ومشكلتي ماهي هنا,, مشكلتي مع الواقع ؟؟ ولتوضيح الصورة ,,
رحت ولاول مره اروح في وقت الظهر لبرج الفيصليه وقت الغداء وأملك ك العادي هذا الفكر انو ليش الحريم ما يكشفون وجيههم زي نساء العالم كله نروح ونسافر ونشوفهم لا احد يطالعهم ولا احد يضايقهم محترامات وامهات حقيقيات يربين اجيال وامورهم " طيبه " حتى على الاقل هويتها وشكلها الخ من معتقادات لدي خاصه المهم ,, كنت بفكر معين ما بتعمق فيه !! لكن كنت اشوف الحريم بالفيصليه بذاك الوقت طبعا بدون نقاب غير اللي تشوفهم بالليل مع اهلهم واخوانهم او ازواجهم الجميع كاشف ,,,, لكن انك تكشفين وتتبرجين وتصير المسأله اغراءات اكثر من انها ممارسه حرية ..لا !! كنت اشوف الوضع مزري وهنا دعيت للهيئه الامر بالمعروف والنهي عن المنكر الله ينصرهم انو بدونهم الله يعلم بحالنا !! لاننا ما نخجل ,, كل امر من امورنا بالذات المستورد نطبقه غلطه بدايه بالجوالات وتراسل المقاطع وكلنا يذكر كيف هذه التقنيه حولنها لشي سئ وبذئ كيف صارت كل هالتقنيه محصوره بالفضائح ونقل الاباحيات وصول لحالنا في التواصلات الاجتماعيه وسلوكنا فيه !! اذكر هذه لاوضح الفكره ان المشكله ليست بهذه الاشياء المشكله فينا نحن!! لو ما رأينا في لندن والنساء حاضرات بحجابهن بدون اغراءات بالبوادر والحمر والتسريحات والكحل ومشتقاته من ظل الخ ما كانت ردت فعل المجتمع بهذا الشكل ولو كانت هناك ردت فعل لا تكون بهذا التشنج !!
اللي ابي اوصله بالنسبه لي ماهي المشكله في حضور النساء للملاعب يقدرون يحلونها بأليات العزل والبوابات الخاصه الخ ويحضر العنصر النسائي بكل مكان في الدول للملاعب ما نشوف اللي شفناه من تبرج وتزيين وتميلح في لندن !! واذا كان عندهم مشاكل عندنا مشاكل اعظم واكبر وربما اكثر لكن مستترين والقصد مفهوم الا عند اللي يبي يحط راسه بالارض ؟؟ ولا هي المشكله بالنقاب تكشف او ما تكشف هذا يقول حلال وهذا يقول حرام وحتى لو تحجبوا فقط ماهي مشكله ,, المشكله اللي اشوفها ومن خلال ما شفت ومؤخرا في الملاعب من تبرج وتزيين هو ان هذه الامور كلها وانا سمحوا فيها واجازوها لا تصلح لنا احنا كشعب , ممكن فكره تخصيص الامر فينا احنا بكلمه احنا كشعب ما راح تعجب المتعنصرين لكن ليسمحوا لي هذه الحقيقه ,, ولما اقول ما راح تعجب البعض لان فيه للاسف من البعض من يعتقد الي الان اننا شعب منزل من السماء ومقدس ,, بينما الواقع مختلف
|