السلام عليكم ورحمة الله وبركاته
أنا دخلت هالمنتدى عشان أسوي جوله على أقسام المعاهد لأني ناويه أسجل في معهد
بس شفت موضوعك وحسيت انه من الواجب أنبهك
أنا أدرس في الجامعة العربية المفتوحة من ثلاث سنوات
الجامعة معترف بها في وزارة التعليم العالي ومناهجها قوية وحلوة يعني تستفيدين من الدراسة فيها
لكن ... أنصحك ماتسجلين فيها دوري لك جامعة غيرها لأنهم نصابين
لو تدخلين على منتديات طلاب الجامعة العربية المفتوحة وتدخلين أقسام مواد التخصص بتقرين شكاوي الدنيا لأنهم يخلونك تدرسين عادي بس اذا دخلتي مواد التخصص تبدأ المشاكل لأنهم في رأيهم انك قطعتي مرحله وصعبه تتركين الجامعه
تخيلي اننا اغلبنا حملنا على مادة ومادتين والأسئلة صعبة مرة وتعجيزية والشرح موب ذاك الزود
يعني بصراحه خسارة فيها تعب وجهد وفلوس
أنا شخصياً بنسحب منها وادرس دبلوم لأن مافيه جامعه تقبلني
انتي الحقي على عمرك قبل ماتضيع سنينك فيها ودوري لك جامعه تقدر الجهد والتعب