الاحد والاثين ما اتوقع في احد بيحضر لان وقت تأكيد المواد ابدأي داومي من الثلاثاء عشان تتعرفين على الكلية وتدلين القاعات لان من ثاني اسبوع يبدون شرح واذا حضرتي اول اسبوع الدكاترة يأخذون عنك فكرة كويسه
الدكاترة كلهم كويسين درست احصاء عند هانم بالمشاركة تعطي بونس واسألتها جداً سهله ومتعاونة مع البنات ما تطلب بحث واشياء بس واجبات تسلمينهم اخر السنة
الدكتور محمد درسني عقيدة يطلب منك بحث من ورقتين عليه 10 درجات وحفظ ايات من جزء عم عليهم 10 درجات الاختبار الشهري يجي سهل حاولي تاخذين كامل فيه لان بالنهائي يصعب الاسئلة
الدكتورة الهام طيبة واسألتها يعني وتعطي بونس تقريباً 15 درجة بس لها شروط وعادي بنص الشرح تقعد تسولف لك وش كانت تسوي بمصر ايام الجامعة =) معاملتها كويسة وتراعي ظروف البنات
هذي وجهة نظري يمكن انتِ تحبينهم او تكرهينهم وعموماً انتِ الان ما تقدرين تغيرين اي دكتور فيهم فا تقبليهم وشدي حيلك ولا تسمعين لاي احد سلبي
الله يوفقك