|
رد: مُساعده : افضل دكاترة احتياطاً ،
طبعا بقول رأيي من خلال تجربتي مع اللي درسوني :
النحو التطبيقي: والله اخذته عند دكتور مره اسلوبه لاتعليق مو متفهم لدرجة احيانا نسأله ع المايك يروح ويسحب علينا ومايحب احد يسأله ينرفز على طول.
التحرير العربي: اخذته عند دكتورة صيتة العجمي جديه وتفضل المجتهده تحب البنت اللي تشارك مره.
مدخل الى تقنية المعلومات: خذت هالمادة عند منى النفزي هي بصراحه جدية بس الحلو فيها تحط عروض وتعلمك اللي معك واللي مو معك والمحذوف من الكتاب وهذا احلى شي بس شاركي عندها تحب المشاركة.
مهارات التعلم والتفكر: نورة الدوسري جدا جميلة وشرحها جميل توصل لك المعلومة بسهولة ومتعاونة مع طالباتها بس تحب البنت النظامية واللي تشارك لو بشي بسيط حيل تفرح فيها وتسمتع لها برحابة صدر.
مبادى الادارة: وانتي مغمضة خذي عند نبيلة العمري هي اردنية بصراحة مره طيبة وماتقصر من ناحية الدرجات بس خليك محترمه تحطك ع راسها وبشوشة جداا وتحب تنكت ومحاضراتها تروح بسرعه من جمالها واحلى شي فيها بعد تحدد اللي معك بالكتاب الله يسعدها بس.
اللغة الانقليزية : انا درستها عند عارفه زاهد ( هنديه ) بصراحه ما افهم عليها لاني ماني شاطره بالانجليزي والكل قال اني ماراح انجح فيها دامني عندها بس الحمدلله نجحت مع اني ماش بالانجليزي بس اهم شي الاحترام عندها وهي تعطي واجبات حاولي تحلينها اول بإول وبيني لها انك مهتمه وشدي حيلك في الامتحانات وإن شاء الله تنجحين.
صحة ولياقة :خذتها عند دكتورة هبة عبدالعظيم (مصرية) وعندك بعد دكتورة نور برضو مصرية كانت تدرسنا لفترة بعدها جت هبة بصراحه كلهم شرحهم جمييل وحبوبات بس هبة شديدة من ناحية الكلام يعني انتبهي تكلمين صديقتك بمحاظرتها وتشوفك.
النظام الاجتماعي: خذته عند المعيده نوره العباد حبوبه حييل وشرحها جمييل وتحب المشاركة وماتقصر بالدرجات.
فقة السيرة :خذته عند الدكتور محمد اسود طبعا ماتوقعت انجح لان اغلب البنات اللي درسوا عنده حملوها بس الحمدلله تغير للاحسن الدكتور إذا انتي اخذتي عنده اهم شي شاركي لانه قبل ماتبدا المحاضره يسأل عن المحاضرة اللي راحت والاسئلة اللي يسألها حطي عليها خطوط حمرا لانها مهمه ويجي كثير منها بالميد تيرم والفاينل بس بصراحة من ناحية الشرح مايشرح بس يقرا من الكتاب.
وبس هذا اللي اعرفه عاد انتي شدي حيلك وتوكلي على الله وبإذن الله من نجاح لنجاح .
|