|
رد: مُساعده : افضل دكاترة احتياطاً ،
وعليكم السلام ورحمة الله وبركاته 
بقولك عن اللي درست عندهم وان شاءالله ما أظلم أحد، والله يوفقكم 
1. النحو التطبيق:
أخذته عند 'د.رزان خدام' محترمة وتدريسها ماشاءالله تبارك الله ممتازة.
وساعدتنا بالواجبات اللي كانوا ناقصين خلّتهم يعيدونه وصححت لهم مع انها مشغولة كانت جداً.
2. التحرير العربي:
أخذته عند 'د.عبير الجعفري' هادية وشرحها حليو.
صحيح انها هادية لكن مو معناتها الطالبة تلعب بمحاضرتها ولا أحد يفكر نصيحة انسوه تماماً شفت بعيني 
3. مدخل الى تقنية المعلومات:
أخذته عند 'أ.وعد العيوني' هادية بعد شرحها ماعليه حليو، نهاية الترم ولدت ودرستها 'سناء الصمادي' نفس الشي زينة.
وعلى فكرة مدرسات الحاسب بالهم طويل ماشاءالله تبارك الله وأغلبهم ممتازين.
4. مهارات التعلم والتفكير:
أخذته عند 'د.أسماء العبدالقادر' زينة وساعدتنا بالدرجات وكلنا أخذنا كامل بالمشاركة الحمدلله، صحيح كانت دقيقة بالبحث.
لكن للأمانة هي كانت حاطة ضوابط وأشياء لازم نتبعها بالبحث وفيه مننا أهملها "وأنا منهم" فنقصت.
5. مبادئ الادارة العامة:
أخذتها عند 'د.نبيلة العمري' حلييلة وتوسع الصدر، تساعد الطالبات كثير ماقصّرت والله معنا.
وتحدد معنا المهم والزبدة بالدرس.
+ تخلي الطالبات يعرضون ويشرحون واللي ماتبي تشرح قدام الطالبات تنزل معها للمكتب وتشرح للدكتورة.
6. اللغة الانجليزية العامة:
أخذتها عند 'أ.ثيرامالا' حليلة وتسولف كثير مع الطالبات تعطي فرص بعد للتحسين.
اختباراتها سهلة، تعطي واجبات نوعاً كثيرة، بس مرة تساعد ومتفهمة للطالبات كثثييرر.
7. صحة ولياقة:
درستني أستاذة للأسف نسيت اسمها، بس هي أصلاً راحت كانت ذاك الترم معنا وراحت.
ساعدتنا بعد الله يجزاها خير ويوفقها.
8. النظام الاجتماعي بالاسلام:
درستني 'د.قماشة العتيبي' زينة وشرحها حليو، محترمة وماكانت طلباتها كثيرة أبداً.
كثير نقدوها وهذا رأيهم الشخصي لكن شفت انها انسانة محترمة وتساعد.
+ تخلّي الطالبات يشرحون
9. فقة السيرة:
أخذتها عند أ.منى العيناء هادية ومحترمة + تخلي الطالبات يشرحون، ساعدتنا وحسّنت نهاية الترم جزاها الله خير.
|