2015- 8- 27
|
#5
|
|
أكـاديـمـي
|
رد: تعرفوا على دكاترة كلية التربية ~
.
...
مستوى أوّل :
مقدمة في التربية الخاصة / د. عائشة العمير
لطيفة جدًا بـ التعامل و الإسلوب .
بداية كل محاضرة كانت تسوي ألعاب متنوعة تخص موضوع المحاضرة , عشان نتفاعل و نتحمس
للأمانة كانت هالألعاب أكثر شيء أتحمس له بالمحاضرة 
تعتمد ع قراءة الباوربوينت نوعًا ما , وأحيان قليلة تشرح فيها .
اسئلتها متوسطة ,, مش صعبة لكن تحتاج منك تركيز ..
خصوصًا إن المادة حفظ , وكلها خصائص تضيعك شوي 
ما قصّرت , لما شافت درجات الميد نازلة شوي وما أعجبتها ..
سوت كويز مفاجئ من 3 - 5 اسئلة .. وساعدنا كثير 
و تطلب منكم قروبات , كل قروب يسوي مشروع مميّز عليه 10 درجات ..
هذا كان يبيله شغل .
واللي ما يستعد له من البداية ، مشكلة
.
.
مبادئ الإحصاء / د. مها عبدالمنعم
هالدكتورة كثير سمعت إنهم يذموها .. لكن لما درست عندها تغيّرت نظرتي 
وفعلًا كل شخص تختلف وجهة نظره عن الآخرين .
لطيفة ، و نضحك معها كثير ..
و شرحها حلو و مفهوم ... مدري إن كان تخصصي بالثانوي ( علمي ) له تأثير
لكن اللي يركّز معها يفهم ،، و إذا شافت إنو لسا البنات مش فاهمين
تاخذ كم بنت فاهمة و توزعهم ع قروبات عشان يشرحوا للبقيّة .
تعطي مسائل , و تحدد وقت للحل .. وتعطي درجات للي تجاوب صح ..
بالعربي : محاضرة ممتعة جدًا .
بعد نهاية المقرر .. توزع البنات قروبات ..
وكل قروب تعطيه عنوان درس معين ..
و يشرحوا مسألة عنه بعرض بوربوينت - عليه 10 درجات
( بنت تشرح .. والبقية تآخذهم وتسألهم بنفس المسألة )
بالنسبة لاسئلتها : بالميد تيرم كانت شوي فيها صعوبة .
لكن بالنهائي بطلــة .. سهلة مرة .. .gif "(204)")
.
.
مبادئ علم النفس / د. فاطمة الهويش
من أكثر المحاضرات مللًا 
كانت تقرأ فقط ،، ما تحب الإزعاج .. ودايم تهاوش البنات
الحسنة الوحيدة : اسئلتها مباشرة و واضحة .. مافيها صعوبة .
و حذفت كثير بالنهائي 
.
.
مبادئ التربية / د. اعتدال حجازي
هالمقرر كان كريه وصعب , يمكن لأني كنت أشوفه كذا .. ما حبيته ولا حبيت تعامل الدكتورة كثير .
كانت صراحة تفضّل بنات ع البقيّة ..
و تحارش بعد
اللي تشارك .. تكون مميزة عندها ..
فـ اللي بتدرس عندها , تحرص ع المشاركة .
بالنسبة للاسئلة / اشوفها من متوسطة لـ صعبة . .gif "(217)")
.
.
الصحة و اللياقة / د. إيمان ماهر
هالدكتورة أتعب و أنا أقول رائعة
اللي يعرف نظامها ما يتعب معها ...
تحب النظام .. تشرح بـ ذمة و تندمجين معها ..
تحسي فاهمة المادة صح
تخيركم بين طريقتين في درجات المشاركة ..
اذكر اننا اخترنا تسألنا بكل محاضرة .
كان يوتر الوضع للأمانة بس هالشيء يخلينا نذاكر كويس ..
بالاختبارات ما تعبنا كثير
اسئلتها حلوة و سهلة ..
و تطلب من كل قروب مجسم يخص وحدة ...
.
.
العقيدة الإسلامية و المذاهب / د. شيخة الحمادي
تحب الحوار في المحاضرة .. تآخذ و تعطي كثير ..
لدرجة إن المحاضرة تنتهي و تآخذ وقت بعد 
لكنها بالشرح ما تقصر .. تسوي اللي عليها وأكثر ..
و اسئلتها رايقة و سهلة ...
و تأشر لنا
و برضو بتسميع القرآن حددت لنا سورة وحدة فقط ..
كل قروب يختار درس ويشرحه ... وله درجات
.
.
التحرير العربي / د. فايز صبحي
نوعًا ما أشوفه ثرثار
يمكن لأنو يشرح بإسهاب جدًا في معلومات أنا شخصيًا أعرفها ..
و هذا الشيء يملل ..
لكنه مرح , ويحب يمزح ههههه ..
ما يحب الإزعاج و الفوضى .. هالشيء يضايقه ..
اسئلته سهلة .. لأن المادة بكبرها سهلة
يطلب بحث عن أي درس .. ( عادي لو اشتركتوا 2 مع بعض ) ..
.
.
وبس ، هذيله بالمستوى الأول ، اتمنى أني كفّيت و وفّيت 
اي سؤال أنا حاضرة
لي عودة مع المستوى الثاني .. 
|
|
التعديل الأخير تم بواسطة - fatimah ; 2015- 8- 27 الساعة 07:35 PM
|
|
|
|