ملتقى طلاب وطالبات جامعة الملك فيصل,جامعة الدمام - عرض مشاركة واحدة

بنت السحاري · 2015- 8- 27

اقتباس:

المشاركة الأصلية كتبت بواسطة فطوشكا

السلام عليكم ورحمة الله وبركاته

بنات انا ابي اتطوع في المكتبة
بحكم تخصصي وانو فيها شهادة تدعم التخصص

اللي مجربه هالشي ياليت ترد على:

١- التطوع ترم ولا سنة كاملة؟
٢- كم الساعات المطلوبة؟
٣-في شروط للمتطوع او لا؟
٤- طبيعة التطوع او العمل كيف تكون؟

شاكرة لكم تعاونكم مقدماً حبيباتي

هلا حبيبي فطوشكا

انا قبل اتخرج اخذت تطوع بالكليه
التطوع له ساعات معينه لازم تخلصينها سواء بالترم او السنه على وقتنا كان 130 ساعه بس الحين زودوها صارت 160

الايام على حسب الفراغ اللي بجدولك اقل شي تحضرين من 8 الى 12 ساعه بالاسبوع حتى لو تقعدين لساعه 2 وتداومين ايام اوفك

شروطهم الالتزام والجديه والاحترام والمساعده
طبيعه العمل فيها حلوه وفي مساعده من البنات يقسموكم كل بنتين او بنت تمسك جهه يحددون لك ساعات في الترفيف اذا خلصتي تروحين الاعاره واذا خلصتي ساعاتك فيها تدخلين فهرسه وهكذا لين تخلصين ساعاتك 160 كلها

وبعد كذا يختارون يوم يختبرونك فيه تحدده المديره وتختبرك باللي تدربتي فيه وجدا سهل لاتخافين المديره تحاول تلخبطك وتشكك باجاباتك بس خليك واثقه كل الاسئله في اللي تدربتي عليه كيف اسوي ذا وليس ذا وايش معنا ذا وايش فايده ذا

وبس .. اتمنى فهمتي طبيعه التطوع .. الله يوفقك