ملتقى طلاب وطالبات جامعة الملك فيصل,جامعة الدمام - عرض مشاركة واحدة

2COOL · #1 2015- 8- 29

[align=center][table1="width:95%;background-image:url('http://forum.hwaml.com/imgcache2/hwaml.com_1380446611_144.jpg');"]
[cell="filter:;"][align=center]

يا مجروحة .. ماهو دايم نلاقي للجروح أعذار
وعلى مفرق لساني يجتمع جرحك .. و سكّـيني !!
.

ورب الخنجر إني عارف .. جروح الكبار .. كبار ..
و كبر الجرح .. من كبر المـ

ـــبة بينك .. و بيني !!

كثير ظروف .. و أخطائي على إيدين الظروف كثار ..
ولو إني دايم أخـطي و أعتذر .. بآطيــح من عـيني !

.

عليك من العزا .. ما ينصف الميت من القبّار ..
و أنا جيـت أنبش القبـر النّـدي .. ما جيـت أعـزّينـي !

و عليّ من الحزن .. ما يشعل الثلج و يصب النار ..
بصـدري .. كـلمــا حـاولت أرجّــع هـقوتك فيـني !!
.

لجام العذر لو يقدر يلجّم جرحك الثرثار ..
بأعلّق كـلمة ( آسـف ) في لساني ليـن تعفيـني !

سألت الموت .. لو للموت في هذا الوطن سمسار
شريته .. قبل أشـرّع خـنجـري و أجرح مــ

ــبّيني !!
.

يعاتبني ضميري كلما أسأل ” وش هو اللي صار “
توقعتك نسيتي غلطتي ما هوب تنسيني !!

أثاري عندليب الجرح ورّق بي.. و غصنه طار
و رحت أسأل عناويني .. و أنادي يا عنا .. ويني ؟!
.

بعد ما كان لي في الـ

ـب حاجة تلفت الأنظار ..
تكـابرتي خطاي و فرق إيدينك عن إيديني !!

بغيت أبكي .. تذكرت إن دمعي في عيوني حار
بغيت أضحك .. لقيت الضحك دونك ما يسليني !
.

يثور الجرح في قلبك .. و لكن من يردّ الثّـار
لكل اللي كتـبته من غـرامك في دواوينـي !

تذكرت إن ما باقي لي الا الذّكر و التّذكـار
و فكّـرت أندفن في قبـلة النسيــان و أرثيــني !
.

يمرّ الليل و ألحان السّمر ما تطرب السّـمّار
و يجــرّ الصّـبح خـطووات المفـارق في عـناوينـي !

رحلتي .. و الرّحيل أكبر من الضحـكة و الإستهتار
هو الشيء الوحيـد .. اللي في الدّنيا يبكّيني !
.

بقي لأقدام وصلي دون وصلك حول خمس أمتار
أفاا .. وشلون يبعدك الجفا و انتي تـ

ـبيني !

أجل تسـتكثرين المغـفرة ، يوم الله الغـفاآر
غـفر للعـالم .. اللّي دينـهم مـا هو على دينـي !!
.

بشر عادي .. يميني حلم و ايساري ملَك و اوزار
أقدّم خـطوتي للمعـصية .. و آتـووب من حيــني !

آنا مجبور في هذا الزمان أمشي يمين ايسار
مثــل مـا رجـلك تودّيـك .. أنـا رجـلي تودّينـي !
.

معرّض للخطأ .. و نهايتي في الجنة أو في النار
كذا .. ربي جعل طين النّـبي مــاهوب من طيني !!

و إذا وقتي رماني بعد صدّك في طريق المارّ
لزمت الصـدّ حـتى دوون كلمة ” لا تخــليّني “
.

عزاي إني ليا من جيـت أغني لك ” غريب الدار “
تحرّيتك .. و قمت أدعي على جـرحك و سكّـيني !!

الشاعر : عبدالرحمن الشملاني

[/align][/cell][/table1][/align]