تغريد خارج السرب
حسيبي على اللي صد عني وانا شفقان
....................بداها تغلي واعلن الهجر من جده
يبيها على الذرعان واخطت من الذرعان
....................وتنصت معاليق الحشى يالعنبوا جده
الا ياوجودي وجد من حده الديان
....................ولا في يدينه شي والدين له مده
مابين الفقر والدين والسجن والسجان
....................وناس ليا منهم دروا قالوا مسده
على اللي غلاه يسابق الدم بالشريان
....................احس ان غلاه يسابق الدم ويحده
بنينا الغلا بالشوق والود والتحنان
....................الين الغلا بصدورنا وصل لحده
وتعاهدت انا وياه مانطري النسيان
....................وخذانا العناد وكل مابيننا هده
واذا كان كل اللي بنينا بلا عنوان
....................فلا خير في ودي ولا خير في وده
وانا ماني من اللي لا حلم قالوا العربان
....................لاتحلم بشي ما انت حوله ولا قده
آباقف وادين الوقت واحاربه لاشان
....................ولابده يزين الوقت لابده
وآبصبر على الهجران لو طول الهجران
....................واذا لي نصيب يرده الوقت بيرده
يقولون جده غير عن باقي البلدان
....................وانا اقول هذا في عيوني مثل جده