|
رد: همسآآآت رباعية الأبعــــــاد #
مشواري هنا
بداية مشواري بجامعة الملك فيصل .. كنا باستراحه برمضان وجالسين يمكن الساعه (وحده) نص الليل الا اسمع اثنين يسولفون ويقولون فتحو التسجيل بجامعة فيصل انتساب قلت بالله سجلوني << طبعاً بكلمه بارده وسبحان الله قام واحد قال عطني معلوماتك وسجل عن طريق الجوال وسئلني وش تبي اختار اختصاصك واخترت ادارة اعمال قالو علم اجتماع حلو ومدري ايش قلت انا احب الرياضيات والمواد العلميه قالو يارجال اصلاً ماراح تذاكر بس على الاقل تاخذلك اجازه وقت الاختبارات ولو اننا نتوقع انك راح تسافر خارج المملكه بالاجازه <<< مو واثقين مني ابد ههههههههههه قلت شوركم وهداية الله حطوني علم اجتماع ونسيت من تلك اللحظه انو سجلت بالجامعه
مازالت اذكر رسالة الجامعه علي بالقبول.. كنت طالع من الحلاق ولما ركبت سيارتي الا وصلني مسج وفتحت المسج الا نبارك لك قبولك بالجامعه .... الخ
بصراحه يمكن ماتصدقون لو قلت لكم من سنواااااااااات طويله ماعشت فرحتي بذاك الوقت لدرجة اني احس كأني بحلم وامشي واوقف على جنب الطريق واقراء الرساله ومن زود الفرحه بغيت اروح بشهاداتي للجامعه بالاحساء ههههه ... وعلى سوق الغنم واحلا خروف للاستراحه عشان قبولي بالجامعه
والحمدالله للأن موفق بها وان شاءالله يلازمني التوفيق للأخير لان براسي ماستر ودكتوراه حاسس للحين مخي نظيف ويبي دراسه ..
وهذي خرابيطي وخبالي اخر الليل تقبلوها بصدر رحب
|