شدتني كلمة القادم

ماقادم النصر

وماقادم الهلال

1- فئات الهلال السنية تعاني الأمرين
فئات الهلال السنيه طلعت الكعبي والبريك اللي اثبتو نفسهم بالفريق الاول .
2- فئات النصر السنية حققت بطولتين
فئات النصر السنيه وش طلعت غير مصعب العتيبي اتوقع دخل بالسوبر وياليتهم مادخلوه . والباقين مرميين بالدكه
3-الهلال بدأ يفقد السيطرة الاعلامية بعد مواقع التواصل
السيطرة الاعلامية ! الوسط الاعلامي فيه من كل نادي ومن كل العقليات الفرق بين من يوظف سيطرته الاعلاميه بشي يخدم ناديه ويصير كلامه محسوب عليه انه يمثل النادي الفلاني ! .
لكن اللي صاير باعلام النصر تسميه سيطره ؟؟ المريسل الزامل الملحم والطخيم والصرامي هذولي تعتبرهم اعلاميين ولهم سيطره ؟ هذولي يقودون مراهقين ومهنتهم شتم المنافس بالدرجه الاولى عشان كذا يتهيأ لك ان الاعلام النصراوي مسيطر . ماعندك غير الدويش ونقطه من وراه
4- النصر اصبح له صوت مؤثر وفي ازدياد
صوته غير مؤثر وكيف مؤثر من أي ناحية وانت تحاول تأثر ع منافسك التقليدي ومازال منافسك مستمر بالصعود للمنصات ويحصد اكبر النتايج , اعلاميين النصر صارو اشبه بلعبة شطرنج فيه من يقودهم ويوجههم
5- الهلال لدية لاعبين مهمين يجب تجديد عقودهم وكثير منهم على وشك الاعتزال
تصدق كلام الاعلام ان الهلال مايقدر يدفع قيمة لاعبينه ؟ , تجدد العقود واللي بيعتزل ما مسك خانة اساسي بالنادي ولو راح فيه من يسد مكانه .
6- النصر الى 2018 لايفكر بهذا الامر ولايوجد لديه الا لاعب واحد على وشك الاعتزال
النصر والنصر ولدينا فريقين واول نادي سعودي دكته اقوى من الفريق الاول ويلا استلم جولتين تروح وكاسين من قدامك ياخذها الهلال اللي تقول انك مؤثر عليه .
7-الهلال لم يعد ذلك الفريق الذي ينافس على اللاعبين المحليين المميزين
المحليين المميزين ؟ فرق بين اجيب لاعب احتاجه وبين اني اجاكر الاندية واجيب هزازي ويطلع مصاب واركنه بالدكه ! اذا الهلال كان بحاجة لاعب بيدخل بمفاوضات ويجيب لكن عندك شباب صغار توهم يثبتون نفوسهم ولازم ياخذون فرصتهم بالنادي هذي سياسة الهلال وتفرق عن سياسة النصر اللي ماخدمته بأول نكسه للنادي طاحو كلهم
8- النصر لايوجد لاعب محتمل الا ينافس عليه
مجاكر وهياط فقط .
9- الهلال دفاعه اجانب وفي اي وقت ممكن رحيلهم ولايوجد لهم بديل
شراحيلي و الزوري والبريك والشهراني و الشامخ والحافظ والذيب جحفلي , هذولي كلهم موجودين يروح كواك يجي غيره يروح ديغاو يجي غيره والشباب الموجودين ماخذو فرصتهم بوجود كواك وديغاو لا تسبق الاحداث
10 النصر يتنافس مدافعينه على خطف خانه لهم
دفاعك داج مايجملها ! ماعندك غير اثنين او ثلاثه ولك باول جولتين خير مثال
وحتى لو وجد الهلال بعض الحلول ولكنها حلول مؤقته واقصر عمرا من الحلول

الممكنه لدى النصر
اي طيب

ماينقص النصر الان فقط مدرب ويتغير كل ذلك بين يوم وليله
يقولون خوله الحساوي ماهي موافقه لتغيير المدرب
هذا المستقبل مشرفتنا