الله يعطيك العافيه ياعبير على النصيحه المدعمه بالصوره ...
والله مانبيه لكن ابتلينا بشره اسئل الله عزا وجل ان يبعدني عنه ويبعد كل مسلم
ودعواتكم
ذكرتيني لما كنت بثالث ثانوي كنت ذاهب لمكتبه ( قرطاسيه ) بصور اوراق واعطيت الاوراق للهندي يصورها وطلعت بالشارع وولعت سيجارتي ... المهم وانا واقف الا جاني شايب كبير بالسن واظن من قبيلة شمر ( ياحبني لقبيلة شمر ) المهم قرب مني وانا اطفيء السيجاره حياءً منه بحكم كبر سنه وصغر سني ذاك الوقت وقالي بيت شعر قديم بس اول مره اسمعه منه وحفظته للأن
لاتشرب التتن يالمملوح ... يخرب ثنايك يالغالي
المهم بعد البيتين قالي انا كنت ادخن 40 سنه والان تاركه لي 25 سنه واخر باكيت دخان موجود عندي مخبيه وكاتب فيه ورقه وصيه لعيالي لايشربونه
قعد يكمل نصايحه لي وايش فقد من اتعاب بعد التدخين واسترسل بكلامه الي مامليت منه ذاك الوقت مع فارق السن الكبير
الله يرحمه ان كان حياً او ميتاً