أحد أصحابي كان يدرس في كندا
يقول مرة كنت في السوبرماركت أشتري أغراض
وخلصت ورحت المحاسبة, بعدما حاسبت ودفعت قالت لي المحاسبة: تبغى أحط لك الأغراض في كيس؟
يقول أنا استغربت! قلت لها أكيد أبغاهم في كيس, كيف أحملهم أجل؟
قالت لأنك إذا تبغى كيس راح أضيف قيمة الكيس على الحساب
وكان الكيس اللي عندهم كبير ومن القماش مو مثل طريقتنا أكياس بلاستك, وقيمته حسب ما أذكر دولار كندي أو أقل شوية, يعني ثلاثة ريال ونص تقريبا
طلع الكنديين طريقتهم إنك تشتري كيس للتسوق وتخليه عندك على طول, وتستخدمه كل مرة تتسوق
الهدف من الحركة طبعا هو الحفاظ على البيئة بدل استخدام الأكياس البلاستيكية اللي ما تتحلل إلا بعد فترة طويلة جدا مقارنة بالورق والقماش.
وجربت بحثت في موقع أمازون وشفت صحيح أكياس تسوق للبيع بعنوان reusable grocery bags
يعني أكياس بقالة قابلة لإعادة الاستخدام
حركة جميلة