.. شكراً للجميع على الردود ،، ’، اقتباس: المشاركة الأصلية كتبت بواسطة hooomy سؤال مستجده تحملو شوي: ذي ملخصات خاصه للمستوى الأول؟؟ >>لأن اشوفك مستوى سابع واذا كانت الملخصات قديمه من ثلاث سنوات عادي هي نفسها اللي بندرسها هالترم؟ وهل مقررات الطلاب نفسها مقررات الطالبات والا فيه إختلاف؟؟ ينفع أراجعها من اللحين رغم أن دراستي بتبدأ الترم الثاني؟: : نعم، ملخصات تابعة للمستوى الأول، فيه كلام بلون أبيض بأول المشاركة الأولى حدديه ،، الجامعة غالباً ما تحدث محاضراتها إذا الدكتور نفسه ما تغير، حتى المحتوى ما يوصله التغيير. فالملفات اللي طرحتهن، شيكت على دكاترتهم للفصل السابق وطلع نفس اللي درسوني والمحتوى نفسه؛ لذلك بديت بعملية التنقيح حتى أقدر أشارك الملفات. الطلاب اللي مسجلين لهذا الترم، يقدروا ينزلوا محتوى البوربوينت ويقارنوه مع الملازم اللي بالموضوع المثبت حتى يبدوا بملزمة مُطابقة لما هو موجود بأنظمة الجامعة (البلاك بورد والإفتراضي). المقررات نفسها للطلاب والطالبات، ما فيه أختلاف نهائي حتى بأسئلة الاختبار. ما عدا بالمحاضرات المباشرة تكون منفصله، نص ساعة للطلاب مع الدكتور، وبعدها راحة ربع ساعة للدكتور ثم نص ساعة للطالبات. لقاء مباشر فيه مايك وشات، تقدروا تطرحوا أي سؤال للدكتور من خلال المايك أو الشات أو تظل متفرج ،، يعجبني حماسكِ ، لو تبغي تتطلعي على المواد لازم تبدي بالملازم الكاملة وليس التلخيصات -زي حقي- لأن اللي أنا أطرحه بالعادة يكون للمراجعة، بعد ما تخلص مذاكرة المنهج، صعب أنك تراجع على نفس الملزمة كاملة، لذا التلخيصات مفيدة لهذا الغرض. أنصحكِ تبدي بمقرر (مهارات التعلم والتفكير) جداً جميل ، تابعي محاضرات الدكتور للفائدة الكبرى، صح بعضها طويل بس أسلوبه جميل يطرح قصص وحركات تونس ،، مصطلحات للتوضيح: المحتوى: ملفات البوربوينت اللي ينزلها الدكتور مع كل محاضرة بالأنظمة (البلاك بورد والإفتراضي). الملزمة -بعضهم يسميها ملخصات-: بعض الأعضاء جزاهم الله خيراً، يقوموا بترتيب المحتوى اللي ينزله الدكتور بشكل مرتب، منها توفير لعدد الأوراق عند الطباعة ومنها جمالية الشكل أفضل من المحتوى. فطباعة (المحتوى) بوربوينت يستهلك عدد أوراق وحبر كثيرين؛ لذا تحميل (المحتوى) مهم للحصول على درجة، و(الملزمة) للمذاكرة أفضل. التلخيصات/تبسيطات/خرائط ذهنية/…إلخ: هذي ملفات يطرحها الأعضاء وهي تعتبر غالباً للمراجعة، لما لها أهمية من تسهيل عملية ذلك، فلا تعرض جميع المعلومات بالمحتوى الأساسي بل أهم ما فية. كل ملف يختلف عن الآخر حسب الغرض الموجه له. اقتباس: المشاركة الأصلية كتبت بواسطة hooomy حملت المقررات وكل مقرر اشوف فيه محاضرات كثيره توصل ل١٤محاضره هل نذاكرها كلهاا في المستوى الاول؟ لان اشوف مجموع ساعات جميع المقررات في الجدول ١٥ ساعه والمحاضرات في كل مقرر اكثر من ساعات الجدول ي ليل الطحين مستجده مضيعه ههه هذا نظام الجامعة، لكل مقرر 15 محاضرة -من ضمنها التمهيدية- هي نفس نظام الدراسة أو الإنتظام، الفصل الدراسي مدته 15 أسبوع فمن هنا جت فكرة 15 محاضرة، كل أسبوع محاضرة. لابد من مذاكرتهن جميعاً حتى تجتازي الاختبار. عدد الساعات ما لهن علاقة بمحتوى المواد هذا وزن المقرر، يفيد لما تنزل الدرجات حتى يجمعوا ويقسموا للحصول على المعدل التراكمي. طبعاً كل ما كان عدد ساعات المقرر أكبر كل ما كان تأثيره على المعدل أقوى. فمثلاً المقرر ذو 3 ساعات أهم بكثير من المقرر ذو الساعتين. لذا حاولي تركزي على هذي المواد، ولكن بالمقابل لا تهملي المواد الآخرى. عادي، كلنا كذا بالبداية، وما فيه خجل من السؤال. هذا الموضوع يوضح الكثير للمستجدين: ●●|~~ هــدية القــبول ~ حقــيبة لكــل مســـتجد/ة {{ شــــرح لــــكل ما تحتــاجه في مشــوارك الجــامعي }} ʚϊɞ ~~|●● ..