المشاركة الأصلية كتبت بواسطة Sakura_25

بسم الله الرحمن الرحيم ( وإن لكل أمرئ ما سعى )


السلام عليكم ورحمة الله وبركاته

معاكم طالبة مستجده تخصص أنقلش
الطموح التخرج بإمتياز ان شاء الله

لكن عشان يصير هالشي لازم أعقد الهمه وأعرف ان الدراسه يبغى لها جهد ومتعابه وقبل كل شي توكل على الله عز وجل وإحسان الظن فيه


بتقولون ليش طيب منزله هالموضوع
وش عندك ؟؟



أقولكم

طلاب وطالبات

هنا بحط نقاط بسيطه تسهل عليكم ولو الشي اليسير
لمشوار دراستنا ان شاء الله
بعض الأفكار اللي ممكن تساعدك

الحمد لله قبل كل شي القبول
فيه غيرنا يتمنون انهم يدرسون
البعض ماعنده الإمكانيه الماديه والبعض لظروف صحيه
أحنا بفضل الله موفقين في هالشي
فينا الكبير والصغير والمتزوج والمغترب
فليش ما نكرس ولو ساعات بسيطه ع اللاب توب
وبكذا نضمن الدرجات العاليه ان شاء الله

كل شي ميسر ومسهل محاضراتك توصلك الين بيتك
ملخصاتك تلقاها في المكتبه او هنا في المنتدى
والدكتور بعد تلاقيه في المحاضرات المباشره راز ومتكشخ قدامنا كلنا

أجل وين الصعب ابغى أفهم ؟؟

الصعب في تفكيرنا وتحطيم المجتمع لنا
ونظرتهم لنا كطلاب او طالبات انتساب


أتمنى من كل شخص وأنت تقرأ كلامي ألحين توقف شوي
وتاخذ ورقه وقلم
وتكتب التالي في أعلى الصفحه



سلم الطموح المستقبلي



1 شهادتي الجامعيه بدرجة إمتياااااااااز


وعلقها قدامك في الغرفه وانت طالع وداخل تشوفها
خل همك الأول والأخير هالدراسه
أبحث ذاكر اسأل راجع


وبعدها علطول ع المكتبه خذ لك كتاب ابو سلك كبير ومقسم ويفضل انه يكون ملون
اقصد الاقسام او الفواصل اللي بينها تكون ملونه

واكتب في كل قسم اسم الماده والأستاذ
ولما تسمع كل محاضره اكتب اهم النقاط بشكل مرتب ومسطر واكتب بكذا لون عشان ترتاح العين مو تكتب بأسود او ازرق لوحده
كذا بيكون الكلام دش
لا لا خله يكون منظم حط أسهم وإشارات وعلامات ترقيم
عشان حتى أنت وقت المذاكره تفتح نفسك

واهم شي اهمم شي
لا تراكمها عليك
حاول ما يخلص الاسبوع الا وانت مشطب ع المواد كلها وحال مواضيع النقاش ومحمل المحتوى وملخص في الدفتر

كذا انت في السليم ان شاء الله

الأمور سهله والمنتدى والأعضاء ما يقصرون

لكن الجهد الكبير عليك ..

وبالنسبه للي يقول لا تشترون ملخصات الى بعد العيد !!
وذاكروا بعد العيد

انا شخصيا ماراح آخذ بهذه النصيحه ابدا
وليش استنى الى بعد العيد !!!

سواء تغير الاستاذ او لا
الماده هي هي
وبعدين انا مو خسرانه لو حفظت لي كلمتين الى هذاك الوقت
ويمكن ما راح يتغير احد
فأنا ليش احط هالإحتمال وهو يبقى مجرد احتمال مافي خبر اكيد


أنا أقدر
أنت تقدر
وأنتي تقدرين

لو كل واحد فينا يقنع نفسه بأنه يقدر وفعلا راح يثبت لأهله ولأصدقائه وجيرانه وجماعته أنه فعلا أهل لهالدراسه
وأنه راح يجي اليوم اللي يستلم فيه الوثيقه وهو رافع راسه
وكله فخر بالشي اللي حققه



أتمنى ما أكون طولت عليكم بالكلام
لكن احنا محتاجين بين فتره وفتره للدعم النفسي
ولتجديد الإراده
ورفع الهمم


نصيحة أخيره

البعد البعد عن الأشخاص السلبيين واللي دائما يحطمونك او يقللون من قدراتك
فهم أكبر عائق للنجاااااح




وصلى الله وسلم على محمد
الله أجعل هذا الكلام شاهدا لي لا علي

والسلام عليكم ورحمة الله وبركاته ..