مع الاسف انصدمت بالاسماء اللي ماسكين الخطط
ما عدا أسمين ماخاب الظن فيهم لانهم من البداية شفت فيهم الحماس وحب المشاركة وتقديم المعلومة للغير وهم مازالوا في بداية الدراسة وقبلها ايضا
مو معقوله وين الاسماء الاخرى اللي 24 ساعة بالملتقى وكل دقيقة فاتحين مواضيع استفسار عن امور تافهه وبسيطة وموجودة أمامهم بالقسم ومثبته أيضا.
وين الطلاب والطالبات اللي لو شاف حرف ناقص قوموا الدنيا وفتحوا مواضيع و تلقاهم يتسائلون ويستفسرون عنها ويصير استنفار امني وتحقيق ووووالخ
يعنى أخذوا الفائدة والمعلومات لانفسهم ولما جاء وقت تقديم المساعدة والتعاون أختفواااااااااا
وش هالنظام الغريب !!!
الله يعينكم على أنفسكم وتذكروا أن اللي يفكر بنفسه فقط راح يجي يوم مايلقى من يساعده وتذكروا ....
حب لاخيك ماتحبه لنفسك
اتذكر اول ماسجلنا بالجامعة بدفعتنا كان فيه تسابق عجيب على المشاركة وتقديم المساعدة والتعاون بيننا واستلام الخطط وكان الطالب او الطالبة يستلم المقرر ويبدع فيه ويرفع محاضرات ويسوي كويزات وتلخيص كنا ومازلنا ولله الحمد على هذا المنوال
http://www.ckfu.org/vb/t698900.html
لدرجة البعض يطلب يستلم مقررين من و إلي وهذا شرف يكسبه في خدمة اخوانه واخواته و كسب ألاجر والثواب من الله والبعض يتضايق أنه تاخر دقايق وفاته الحصول على مقرر فتشوف الايثار في التنازل عن مقرر او كويز او مراجعة لاجل اخر يشاركه
الحمدلله ... والله لا يغير علينا ويديم علينا روح التعاون والاخوة
أحييكم روساء الخطط و كل من انضم تحت خطة سواء بالمشاركة الفعلية او حتى المعنوية والله يقويكم ويكتب لكم الخير والاجر والثواب وصدقوني مايضيع مجهودكم وبتلقونه في حياتكم وبدعوات بالغيب من اخوانكم واخواتكم
واعيد وأكرر أي مساعدة أنا جاهز و الاخوان والاخوات البقية من المستويات الاعلى جاهزين أكيد
وعذرا على الاطالة ...