|
رد: مكتب خبير السياحة توهم المسابق بأنه فاز بهديه في المسابقه
اقتباس:
المشاركة الأصلية كتبت بواسطة فــ@ــــد الشريــــف
كنت في قطر وصادوني في احد المولات
قالوا لازم تجي مع العائلة واذا ما اعجبك الموضوع خذ الهدايا ومع السلامة ( واثقين من انفسهم )
قلت انا فاضي خلنا نشوف
وفعلا رحت لهم و دخلت وياهم في نقاشات تجارية وقانونية لان عندي خبرة بسيطة بحكم عملي وحسستهم اني فاهم وكشفت الاعيبهم وصارحتهم بها وقلت عطوني الهدية يالله انا ماشي وخذوني ودخلوني عند المدير وقعدت اضحك معه وعليه واقوله الصراحة في وجهه
المهم اخذت اقامة اربع ليالي في شرم الشيخ وطلعت .. بس للامانه ما استخدمتها خفت يستقبلوني هناك وينصبون علي براحتهم لأني ما اقدر اكون بنفس القوة في ديرتهم وقانونهم وبصراحة شكيت ان العرض بيكون اي كلام وما يسوى
اهم شيء اني شربت عصيراتهم انا والعائلة وطقطقت عليهم
|
هذي المشكله الثقه لآبد تتواجد في صفاتهم لينجذب العميل أو الضحيه
والحمد لله إن الأمور مرت بسلام وكان عندك درايه بهذا المجال
المصيبه إنهم متصورين الخليجي ذو قلب طيب غير مدرك بهذا الأمور
بأستطاعتهم أغرائه والضغط عليه حتى يستجيب لهم
الله يحفظنا وياك من كل مكروه
سعدت بهذي المشاركه وباقي الزملاء بإضافتهم لنتوعى وناخذ الحيطه والحذر في اي مجال كان
شكراً لمرورك المنور
|