انا شيطونه من صغري ومتسلطه على بنات وعيال
حتى خواني ماسحه شخصيتهم
ابوي مشيخني شوي سليطه لساني وطويلة يد وسوالفي ترا كانت زينه ... من الآخر مملوحه
نرجع للمفيد
في الحارة كلن يباهي بعياله ويخلونهم يتصارعون وكانو يجتمعون بدكه ( للي مايعرف الدكة ،، تكون مرتفعه عن الارض تقريبا متر وزود ... المهم كنت خوية الوالد الله يرحمه وملاصقه له لأني ابرد صدره وبيني وبينكم كان اخوي طريدي رخمه ( اللحين انا ارتجف من صوته سبحان قالب الحال )
المهم بدت مصارعه العيال وولد جارنا كفر في اخوي كفخه ويشيل ويحط فيه وااااانا اتمرقص بمحلي ودي اقوم وخايفه من ابوي وجالسه انتظر الضوء الاخضر .. تصبرت ماجاء الضوء الاخضر واخوي تمردغ وصار مضحكه وابوي انغبن .. وانا اقوووووم واشيل بالولد واحذف فيه وادفه من فوق الدكه الا هو طايح بالتراب وانا احول عليه واتوطاه لين انحشى فمه تراااااب ... وجاني تصفيق وتشجيع .. واخوي وولد جارنا جاهم تصفيق على وجههم .. كلهم الثنين حقدو علي .. لان ابوي صفق اخوي وقال يالرخمه اختك تفتكك .. اما جارنا صفق ولده وقال البنت وطت على غاربك ...
ولكن هالموقف كان نقله لاخوي لانه صار علكه شارعنا .. اختك واختك ... من بعدها ياويله بالويل الي يقرب له ... المهم اني كنت ابضااية الحارة هههههههه
بقلمـــــQueenـــي