السلام عليكم ورحمة الله وبركاته
أخواني أخواتي ياليت تساعدوني
أنا أجنبيه من أصل سعودي وكل اقاربي سعوديين ماعدا عائلتي لظروف وحكايه قديمه الشاهد خلصت دراستي الجامعيه بتقدير ممتاز 4.80 مع مرتبة الشرف وشهادة حسن سيره وسلوك في جامعة القصيم واختبرت قدرات بدرجه 74 وابي اكمل الماجستير في جامعة الدمام او الملك فيصل افيدونن متى التقديم وكيف اقدم ؟ وهل فيه فرصه لقبولي والا اخضع لشروط كوني اجنبيه ؟ وسمعت عن المنح كيف اقدم عليها وين بالضبط اراجع ؟ واذا ماكان لي فرصه تشملن المنح هل بالامكان اقدم مقابل رسوم ماليه زي ما فهمت انه تعليم موازي وكيف طريقته ؟ اذا جا وقت التقديم هل اقدم زي اي طالبه سعوديه عن طريق موقع الجامعه والا لازم اراجع وزارة التعليم ؟ نوروني الله ينور عليكم حاسه حالي ضايعه ومامعي وقت
وهل كوّن اختي سعوديه او اي قريب من جهة ابوي يشفع لي في القبول والا ماله فايده ؟
قلبي مليان حسره اشوف اقاربي وبنات عمومتي يدرسون بكل سهوله ويتوظفون وانا اعاني لا وظيفه ولا دراسه بسهوله كله بسبب الجنسيه 😞💔
الله يجازيكم خير الي عنده اي معلومه عن الي مثل حالتي يساعدني فيها ويوجهني